Samarqand viloyati Past Darg‘om tumanida gaz quyish shoxobchasi sabab katta tirbandliklar yuzaga keldi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, ayrim haydovchilarning metan gaz quyish shoxobchalarida tartibsiz turishi, yo‘lning qatnov qismiga chiqib ketayotganligi bois ayrim yo‘llarda tirbandliklar vujudga kelmoqda. Shunday holatlardan biri “Eski Juma” mahallasi hududidagi 4-R-46 yo‘lining 23-kilometrida, “Agron” mahallasi hududidagi 4-R-46 yo‘lining 18-kilometrida joylashgan metan gaz quyish shoxobchalari oldida kuzatildi.
Qayd etilishicha, yo‘l harakati xavfsizligi boshqarmasi xodimlari joyiga chiqib, qatnov qismidagi tirbandliklar bartaraf etilib, avtomashinalarning erkin harakati tiklangan.
Izoh (1)
Bu vidio Tayloq tuman Boģizaģonda bu notòģri malumot yozibsiz Daryo.uz