Namangan viloyati hokimi Shavkat Abdurazzaqov sektor rahbarlari bilan birga Norin tumaniga bordi va Turkiyada vafot etgan Barchinoy Mirzayeva xonadonida bo‘ldi. Bu haqda “Daryo” muxbiri Azizbek Abduvaliyev xabar bermoqda.
![](/static/photo_2023-02-13_17-53-44.jpg)
Marhumaning yaqinlaridan xol-ahvol so‘raldi. O‘tganlar ruhiga Qurʼon tilovat qilinib, duoga qo‘l ochildi.
45 yashar Barchinoy Mirzayeva Shonliurfadagi zilziladan omon chiqqan, ammo falokat manzaralariga yuragi dosh bermay, vafot etgandi. U 18 yashar talaba qizini yolg‘iz voyaga yetkazayotgan edi.
![](/static/photo_2023-02-13_17-53-50.jpg)
![](/static/photo_2023-02-13_17-53-47.jpg)
Marhumaning dafn marosimi bugun, 13-fevral kuni o‘zi yashagan “Boyovul” mahallasida bo‘lib o‘tdi.