Turkiyada fojiali zilzila haqida ma’lum bo‘lgan paytdan boshlab, Burak O‘zchivit va uning rafiqasi Fahriye Evjen jabrlanganlarga yordam bergani haqida umuman ma’lumot berilmadi. Biroq, ma’lum bo‘lishicha, juftlik xayrli ishlarni oshkor etmaslikka qaror qilgan, shuning uchun bu haqda xabar tarqalishini istamagan.
.jpg)
Xabarlarga ko‘ra, Burak O‘zchvit va uning rafiqasi tabiiy ofatdan zarar ko‘rgan insonlar uchun 41 ming dollar miqdorida mablag‘ yig‘gan. Muxlislarning hech biri bu ishdan hayratda qolmadi, chunki Turkiyaning eng mashhur juftliklaridan biri har doim xayriya ishlariga alohida e’tibor qaratadi.
Fahriye va Burak zilzila tafsilotlari ma’lum bo‘lganidan keyin ijtimoiy tarmoqlarda jonli efirlar o‘tkazib, jabrlanganlar uchun yordam pulini yig‘gan. “Muhtasham yuz yil” seriali yulduzi Burak O‘zchivitning rafiqasi insonparvarlik yordamini saralash uchun borishini aytgan, ammo aktrisa ikkinchi farzandini yaqinda dunyoga keltirganligi sababli bu ishni amalga oshira olmagan.
Juftlik ijtimoiy tarmoqlardagi jonli efirlardan yig‘ilgan mablag‘ni Turkiya Favqulodda vaziyatlar vazirligiga jo‘natgan. Bundan tashqari, Fahriye Evjen va Burak O‘zchivit gumanitar yordam sifatida yuk mashinasiga kerakli narsalarni yig‘ib, zudlik bilan falokat sodir bo‘lgan hududga jo‘natgan.
Izoh (0)