Туркияда фожиали зилзила ҳақида маълум бўлган пайтдан бошлаб, Бурак Ўзчивит ва унинг рафиқаси Фаҳрие Эвжен жабрланганларга ёрдам бергани ҳақида умуман маълумот берилмади. Бироқ, маълум бўлишича, жуфтлик хайрли ишларни ошкор этмасликка қарор қилган, шунинг учун бу ҳақда хабар тарқалишини истамаган.
.jpg)
Хабарларга кўра, Бурак Ўзчвит ва унинг рафиқаси табиий офатдан зарар кўрган инсонлар учун 41 минг доллар миқдорида маблағ йиғган. Мухлисларнинг ҳеч бири бу ишдан ҳайратда қолмади, чунки Туркиянинг энг машҳур жуфтликларидан бири ҳар доим хайрия ишларига алоҳида эътибор қаратади.
Фаҳрие ва Бурак зилзила тафсилотлари маълум бўлганидан кейин ижтимоий тармоқларда жонли эфирлар ўтказиб, жабрланганлар учун ёрдам пулини йиғган. “Муҳташам юз йил” сериали юлдузи Бурак Ўзчивитнинг рафиқаси инсонпарварлик ёрдамини саралаш учун боришини айтган, аммо актриса иккинчи фарзандини яқинда дунёга келтирганлиги сабабли бу ишни амалга ошира олмаган.
Жуфтлик ижтимоий тармоқлардаги жонли эфирлардан йиғилган маблағни Туркия Фавқулодда вазиятлар вазирлигига жўнатган. Бундан ташқари, Фаҳрие Эвжен ва Бурак Ўзчивит гуманитар ёрдам сифатида юк машинасига керакли нарсаларни йиғиб, зудлик билан фалокат содир бўлган ҳудудга жўнатган.
Изоҳ (0)