Disney kompaniyasi rasman “O‘yinchoqlar tarixi”, “Muzyurak” va “Hayvonlar shahri” multfilmlarining yangi qismlari ustida ishlamoqda. Rejalar haqida kompaniya rahbari Bob Ayger ma’lum qildi.
Loyihalarning yangi qismi tafsilotlari va ekranlarga chiqarilish sanalari e’lon qilinmagan. “O‘yinchoqlar tarixi” franshizasining 1995-yildan 2019-yilgacha to‘rtta qismi tomoshabinlarga taqdim etilgan. Multfilmning barcha qismlari jahon prokatida 3,3 milliard dollar ishlab topgan.
2022-yilning yozida “O‘yinchoqlar tarixi” multfilmidagi “Bazz Layter” qahramoni haqidagi film kassada debyut qildi, to‘lovlar kutilgan natijani qayd etmadi va franshiza qattiq tanqidlarga sabab bo‘ldi. “Muzyurak” musiqiy multfilmi ilk bor 2013-yilda ekranlarda namoyish etilgan va 2019-yilda animatsion filmning ikkinchi qismi ishlab chiqarildi.
“Hayvonlar shahri” (“Zootopia”) multfilmi 2016-yilda namoyish etilgan. Ushbu multfilmlar eng yaxshi animatsion filmlar va original qo‘shiq nominatsiyalarida bir necha marta “Oskar” mukofotini olgan.
Izoh (0)