“Choliqushi” turk serialining yangi remeyki suratga olinadi

Turkiyada dunyo bo‘ylab tomoshabinlarning e’tirofiga sazovor bo‘lgan “Choliqushi” serialining yangi remeyki suratga olinishi ma’lum qilindi.

Turk yozuvchisi Rashod Nuri Guntekin qalamiga mansub bo‘lgan “Choliqushi” kitobi asosida suratga olingan serialning birinchi versiyasi 1986-yilda ekranlarga chiqdi va oradan ko‘p vaqt o‘tmay tomoshabinlarning qalbidan joy oldi. “Choliqushi” seriali butun dunyo bo‘ylab tomosha qilindi va unda bosh rollarni ijro etgan aktyorlar tomoshabinlarni  o‘ziga jalb qila oldi.

Aydan Shener va Kenan Kalav ekrandagi ajoyib juftlikka aylandi, ularning his-tuyg‘ulariga ishonmaslikning iloji yo‘q. Hozirgi kunda ham loyihaning reytingi 10 balldan 8,1 ballni tashkil etadi, bu esa juda yaxshi natija hisoblanadi.

Bu muvaffaqiyat rejissorlarni “Choliqushi” serialini yana qayta suratga olishga, bosh rollarni Burak O‘zchivit va Fahriye Evjen ijro etgan birinchi remeykni taqdim etishga undadi. Ushbu loyihadan so‘ng serialda bosh rolni ijro etgan juftlik — Burak O‘zchivit va Fahriye Evjen ishqiy munosabatda ekanini ommaga ma’lum qildi.

Tomoshabinlar qayta suratga olingan remeykni yuqori baholadi, shuning uchun serialning reytingi ham 10 dan 8,1 ballni tashkil etdi. Loyihaning birinchi versiyasini ko‘rgan tomoshabinlarning barchasi Fahriye Feride roli uchun yetarlicha go‘zallikka ega emas, deb hisoblaydi.

Hozirda tomoshabinlar uchun serialning filmga aylantirilgan uchinchi versiyasi tayyorlanmoqda. Turk seriallari muxlislaridan biri Burak O‘zchivit va Fahriye Evjenni “Choliqushi” serialining yangi versiyasidagi rollarni ijro etishga targ‘ib qilishni taklif qilmoqda.