Актёр ва актрисалар сценарий ёки ўз персонажлари образига ўзгартириш киритишни таклиф қилгани, режиссёрлар эса уларни тинглаган ҳолатлари кўп учраб туради.
Женна Ортега кўйлак туфайли хурсанд бўлгиси келмайди
Женна Уэнздей Аддамс ролига шунчалик кўникиб қоладики, баъзи диалогларни ўзи таҳрирлаган. Неверморнинг барча талабалари Қузғунлар балига тайёргарлик кўришаётганда, Қўл Уэнздейдан яширинча сюрприз уюштиради ва унга ҳашаматли қора кўйлак совға қилади.
Уэнздей кийимни кўриб, шундай дейиши керак эди: “Ё худойим, бу кийимни деб ақлдан озиш мумкин”. Аммо актриса бу ибора унинг характери учун жуда ғайритабиий кўринишини таъкидлайди.
Аня Тейлор-Жой ғазабланмаслиги керак эди
“Меню” триллери қаҳрамони ошпазнинг қабиҳ режасидан хабар топган шериги уни ресторанга олиб келганини билгач, жаҳли чиқади. Бироқ бу сценарийда йўқ эди.
Қиз буни билгач, индамай йиғлаши керак эди. Аммо актриса Марго учун жимгина чиқиб кетишдан кўра ғазабини кўрсатиши тўғри бўлишини ҳис қилади.
Алан Рикман сценарий бўйича сўзларни айтишдан бош тортади
“Гарри Поттер ва тилсим шаҳзода” фильмида Северус Снейп Дракони тўхтатиб, Дамблдор билан ўзи олишади. Сценарийнинг тасдиқланган вариантида актёр шундай дейиши керак эди: “Мен сўз берганман. Мен қасам ичганман”. Бу ерда Северуснинг Драко Малфойнинг онасига унга қарашга ваъда берган қасами назарда тутилади.
Бироқ Рикман бу иборани айтишни истамайди, чунки унинг фикрича, бу ҳаммасини чалкаштириб юборарди. Бунинг ўрнига Снейп сукут сақлайди, кейин фақагина 2 та сўз айтади: “Авада Кедавра”.
Имелда Стаунтон костюмларга қоплама қўшишни сўрайди
Долорес Амбриж образини гавдалантирган Имелда Стаунтон астар кийишни хоҳлайди. Актрисанинг ғояси унинг характерини янада дўмбоқ ва мулойим қилиб кўрсатиш эди, унда ўткир чизиқлар ва бурчаклар бўлмаслиги керак. Амбриж ташқи кўринишида юмшоқ ва илиқ кўриниши жуда муҳим эди, чунки аслида у шафқатсиз эди.
“Гарри Поттер ва қақнус ордени” фильмининг костюм дизайнерлари баҳслашмайдилар ва Стаунтоннинг либосларига қоплама қўшадилар. Сон соҳасидаги қоплама туфайли аёлнинг юриши ўрдакникига ўхшаб қолади — актриса бундан мамнун бўлади.
Оливия Колманнинг роли ҳомиладорлиги туфайли қайта ёзилган
Колман фарзанд кутаётган айғоқчи ролини ўйнаган. “Тунги администратор” мини-сериали яратувчилари буни режалаштирмаган. Аммо актриса уларга ўз ҳолати ҳақида гапиргач, унинг қаҳрамонини ҳам ҳомиладор қилишга қарор қилишади.
Райан Рейнолдс “Бош қаҳрамон” учун кулгили саҳналар ўйлаб топади
Бош рол ижрочиси Райан Рейнолдс ва режиссёр Шон Леви кўп вақтини монтаж хонасида ўтказади — Рейнолдс фильмга бир нечта кулгили саҳналарни киритишни таклиф қилади. Шундан сўнг улар камерани олиб, ўзлари кадрни суратга олади. Шундай қилиб, картинада геймер қизлар билан эпизод пайдо бўлади, улар аслида режиссёрнинг қизлари бўлган, шунчаки ўша пайтда улар ҳам бирга эди.
Зои Кравитс Мушук-аёлнинг тирноқларини ўстиришни таклиф қилади
“Бетмен” фильмида Мушук-аёл ролини ижро этган актриса режиссёрга персонажининг тирноқлари узун бўлишини таклиф қилган. Зоининг фикрига кўра, ҳайвонга ўхшаши учун тирноқларни лак билан бўяш керак эмас эди: бир вақтнинг ўзида чиройли ва қўрқинчли бўлиши керак эди.
Мишел Йео қаҳрамонининг исмини ўзгартиришни талаб қилади
Мишел Йео “Ҳамма жойда ва бирданига” фильми устида иш бошлашга рози бўлишидан олдин бош қаҳрамон исмини ўзгартиришни талаб қилади. Дастлаб унинг персонажи Мишел Вонг деб аталиши керак эди. Бироқ актрисанинг талабига кўра, режиссёрлар аёлнинг исмини Эвелин деб ўзгартиради.
Йео ўз шартини қуйидагича асослайди: “Мен кир ювиш хизматини бошқарадиган муҳожир она эмасман, шунинг учун қаҳрамонимга ўз овози ва ўз исми керак".
Изоҳ (0)