Rejissorning obro‘-e’tibori va kartina budjetidan qat’i nazar, deyarli har bir filmda xatolarni topish mumkin. Ayrim xatolar shunchalik aniqki, ba’zida hatto bolalar ham ularni payqashadi
“Indiana Jons va so‘nggi salib yurishi”da Xarrison Ford soxta kitob javonlari oldida turibdi. Arzimas, lekin bu xato juda aniq ko‘rinadi.
“Eys Ventura-2” filmida kulgili sahna bor: Ventura yomon odam bilan to‘qnash keladi. Bu yigit shaxmat stolida o‘tiribdi. Undagi donachalar birdaniga yo‘qolib qoladi.
“Transformerlar” filmida, Sem Vitvikini politsiya mashinasi ta’qib qilgan sahnada kunduzi ekanligi aniq. Ammo bir nechta kadrlardan so‘ng, Bamblbi va politsiya mashinasi transformerga aylanganda esa ko‘chada allaqachon tun.
“Charli farishtalari” filmining oxiriga kelib yashil ekranning ba’zi qismlari almashtirilmagan. Shuning uchun Sem Rokvell qahramoni vertolyotni boshqarayotgan sahnada neon yashil fon ko‘rinib turadi.
“Olg‘a-4” filmida politsiya raqsi paytida orqa fonda olomon ko‘rinadi. Keyingi kadrda u yo‘qoladi va bir lahzadan keyin yana paydo bo‘ladi.
“Transformerlar-4” filmida bir necha harbiylar monitorlarga qaragan paytda almashtirilmagan yashil ekranlar ko‘rinadi.
“Uyda yolg‘iz” filmida Kevin pishloqli makaron yemoqchi bo‘ladi. Ammo soat 9 ni ko‘rsatadi, Kevin shamlarni o‘chiradi va ovqatlanmay qaroqchilarni kutib olishga ketadi. Qaroqchilar uyga kirganda esa stolda butunlay boshqa taom turibdi.
“Yura davri parki”da trinnozavr o‘rmondan chiqib, echkini yeydi, panjarani buzadi. Bir necha kadrdan so‘ng, to‘satdan hammasi yo‘q bo‘ladi, uning o‘rnida Alan Grant arqonda tushadigan katta to‘g‘on bor.
“Titanik”da qahramonlar kema ichidagi okean suvida uzoq vaqt davomida go‘yo iliqdek bemalol yurishadi. Ammo ular kemadan tashqaridagi suvda bo‘lganda, bir necha daqiqada muzlab o‘lishadi.
“Shimoliy ekspress” multfilmida poyezd tog‘ga chiqqach, vagonlari egilib qoladi.
Izoh (0)