2023-yildan boshlab O‘zbekistonning tarixiy jang san’atini ilmiy o‘rganish va namoyish qilish orqali mamlakatning turistik salohiyati oshiriladi. Bu jamoatchilikka muhokamasiga qo‘yilgan davlat dasturi loyihasida ko‘zda tutilgan.
Qayd etilishicha, O‘zbekiston tarixining tarixiy jang san’atini ilmiy o‘rganish bo‘yicha mutaxassislardan iborat tarkibda ishchi guruhi tashkil qilinadi. Amir Temur va Jaloliddin Manguberdi harbiy tematik lagerlarini tashkil etish bo‘yicha ilmiy asoslangan takliflar ishlab chiqiladi.
2023-yil iyun oyigacha lagerlarini tashkil qilish hamda turistlar uchun namoyish etish chora-tadbirlari belgilash rejalashtirilgan.
Topshiriq ijrosi uchun Madaniyat va san’atni rivojlantirish jamg‘armasi, Mudofaa vazirligi, Madaniy meros agentligi, Fanlar akademiyasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari mas’ul etib belgilandi.
Izoh (0)