Turkiyaning Istanbul shahrida 22 yoshli o‘zbekistonlik ayol yangi tug‘ilgan chaqalog‘ini to‘rtinchi qavatdan tashlab yubordi. Bu haqda Turkiye gazetesi xabar berdi.
Ma’lum qilinishicha, ayol o‘zi farrosh bo‘lib ishlagan uyda chaqaloqni yashirincha dunyoga keltirgan. Keyin uni sumkaga solib, to‘rtinchi qavatdan uloqtirgan. Hodisani ko‘rgan fuqarolar politsiya va tibbiy guruhlarni chaqirgan. Voqea joyiga kelgan guruhlar chaqaloqning jonsiz jasadini o‘likxonaga yuborgan. Ayol esa hibsga olingan.
Ayol ishga endigina kirgani, homilador ekanini bilmagani va chaqaloq o‘lik holda tug‘ilganini ta’kidlagan. U qo‘rquvdan chaqalog‘ini sumkaga solib, tashlab ketganini aytib, ayblovlarni rad etgan. Ayol qasddan o‘ldirish aybi bilan qo‘lga olingan.
“Homiladorligimni bilmasdim. To‘satdan og‘riq boshlandi, keyin uni dunyoga keltirdim. Bola o‘lik tug‘ildi. Qo‘rqib, bolani sumkaga solib, pastga tashlab keldim. Men uni o‘ldirganim yo‘q”, — deya ayol ko‘rsatma bergan. Suddagi ko‘rsatmasidan so‘ng ayol hibsga olingan va qamoqxonaga jo‘natilgan.
Mavzuga doir: Turkiyada o‘zbekistonlik erkak xotinini pichoqlab o‘ldirdi
Izoh (0)