Туркиянинг Истанбул шаҳрида 22 ёшли ўзбекистонлик аёл янги туғилган чақалоғини тўртинчи қаватдан ташлаб юборди. Бу ҳақда Туркие газетеси хабар берди.
Маълум қилинишича, аёл ўзи фаррош бўлиб ишлаган уйда чақалоқни яширинча дунёга келтирган. Кейин уни сумкага солиб, тўртинчи қаватдан улоқтирган. Ҳодисани кўрган фуқаролар полиция ва тиббий гуруҳларни чақирган. Воқеа жойига келган гуруҳлар чақалоқнинг жонсиз жасадини ўликхонага юборган. Аёл эса ҳибсга олинган.
Аёл ишга эндигина киргани, ҳомиладор эканини билмагани ва чақалоқ ўлик ҳолда туғилганини таъкидлаган. У қўрқувдан чақалоғини сумкага солиб, ташлаб кетганини айтиб, айбловларни рад этган. Аёл қасддан ўлдириш айби билан қўлга олинган.
“Ҳомиладорлигимни билмасдим. Тўсатдан оғриқ бошланди, кейин уни дунёга келтирдим. Бола ўлик туғилди. Қўрқиб, болани сумкага солиб, пастга ташлаб келдим. Мен уни ўлдирганим йўқ”, — дея аёл кўрсатма берган. Суддаги кўрсатмасидан сўнг аёл ҳибсга олинган ва қамоқхонага жўнатилган.
Мавзуга доир: Туркияда ўзбекистонлик эркак хотинини пичоқлаб ўлдирди
Изоҳ (0)