Idishlarni yarqiratuvchi limon po‘stlog‘i, konditsioner o‘rniga sirka — pulni tejab, asabni asraydigan topilmalar

Ayollarning ba’zilari o‘zlaridagi mayda noqulayliklarga dosh beradilar, garchi bu noqulaylik tashqaridan sezilmasa ham, ularni qattiq bezovta qiladi. Har gal bu muammolarga mustaqil yechim izlash o‘rniga, boshqa birovning tajribasini qo‘llab ko‘rish foydali bo‘lishi mumkin. Ko‘pgina topilmalar nafaqat vaqt, kuch va pulni tejashga, balki yon-atrofdagi narsalarga bo‘lgan munosabatni ham o‘zgartirishga yordam beradi. Quyida ana shunday maslahatlar ketma-ketligi bilan tanishing.

Idish yuvish qo‘lqoplarini kiyishdan avval vazelin yoki qo‘l kremini odatdagidan ko‘proq miqdorda surting

Agar siz qo‘l terisini odatdagidan yaxshiroq parvarish qilishni istasangiz-u, lekin go‘zallik saloniga borishga vaqt bo‘lmasa, bu ishni oshxonada qoyilmaqom tarzda amalga oshirish mumkin. Buning uchun sizga faqatgina vazelin yoki yog‘li losyon va rezina qo‘lqoplar kerak bo‘ladi. Ulardan qo‘llaringizga ko‘p miqdorda surtib, idishlarni issiq suvda qo‘lqop bilan yuvishingiz kerak. Shundan so‘ng, qo‘llar silliq va yumshoq bo‘ladi. Bu bilan siz qo‘llaringiz terisini ajoyib usulda parvarish qilgan bo‘lasiz, bahonada oshxonada yuviqsiz idishlar qolmaydi.

Terini bezovta qiladigan zargarlik buyumlarini shaffof bo‘yoq bilan bo‘yang

Ayrim zargarlik buyumlaridagi metall teriga ziyon yetkazishi mumkin. Ayniqsa, ular arzon materiallardan tayyorlangan bo‘lsa, tez-tez sodir bo‘ladi. Ammo bu bejirim va ​​sevimli aksessuarlardan voz kechish uchun sabab bo‘la olmasligi kerak. Nozik terini himoya qilish uchun siz zargarlik buyumlarining bezovta qiluvchi qismlarini shaffof bo‘yoq yoki lak bilan qoplashingiz mumkin.

Qadoqda qolgan krem yuqini qopqoq yordamida siqib chiqaring

Tugagan krem ​​qadog‘ini tashlab yuborish vaqti kelgandek tuyulsa ham, qadoq ichida juda ko‘p miqdorda krem qolgan bo‘lishi mumkin. Kremning qolgan qismini qopqoq yordamida osongina siqib chiqarib, sevimli vositangiz bilan xayrlashishni kechiktirishning imkoni bor. Buning uchun qadoqni yuqori qismidan kesib oling, qopqog‘ini qadoq ichkarisiga joylang qo‘ying va yuqoriga qarab bosing.

Kiyimlarni ilgichga joylashning oson yo‘li

Ilgichga kiyimlarni yelkama-yelka qilib joylash o‘ta qiziqarli ish emas. Internet ushbu tartibni soddalashtiradigan usulni o‘rgatadi. Buning uchun kiyimlarni tomoq tomonidan qo‘lingizga iling, so‘ngra ilgakni olib qo‘lingizdagi kiyimlarni birma-bir unga o‘tkazing.

Ishlatilgan lab bo‘yog‘i bilan yuzingiz uchun muz tayoqchasini yasang

Agar lab bo‘yog‘i tugagan bo‘lsa, undan foydalanshni davom ettirishingiz mumkin. To‘g‘ri, lab bo‘yog‘i sifatida emas, boshqacha tarzda. Buning uchun bo‘shagan ichki silindrga ozgina suv quyiladi va muzlatiladi. Natijada yuz uchun qulay sovutish tayoqchasi hosil bo‘ladi. Bunday buyumni ushlab turish muz bo‘lagiga qaraganda ancha oson va qulayroqdir.

Zargarlik buyumlarini uyda topiladigan vositalar bilan tozalang

Zargarlik buyumlarini yarqirab turishi uchun ularni zargarlar ham, oddiy odamlar ham maslahat beradigan arzon mahsulotlar bilan tozalash mumkin. Zargarlik buyumlarini tozalashning eng oson yo‘llaridan biri — idish-tovoqni yuvishga mo‘ljallangan vosita va yumshoq tish cho‘tkasidan foydalanishdir. Bundan tashqari, sirka va limon suvini qo‘shsangiz mumkin: ular ajoyib natija uchun ishlaydi.

Limon bo‘lagini idish yuvish mashinasiga joylang

Idish yuvish mashinasi idishlarni yanada toza yuvishi uchun dasturni ishga tushirishdan avval idish yuvish konteyneriga bir bo‘lak limon po‘stlog‘ini joylab qo‘ying. Tabiiy limon kislotasi buyumlarni tozalaydi va idish-tovoqlarning yaraqlab turishiga sabab bo‘ladi. Bundan tashqari, buning natijasida texnikangiz xushbo‘y tabiiy hidga ega bo‘ladi.

Konditsioner o‘rniga sirka kislotasi

Ba‘zan konditsioner (matolarni yumshatuvchi) sochiqlarda to‘planib qoladi. Shuning uchun, kir yuvayotganda siz konditsioner o‘rniga sirka kislotasini oz miqdorda qo‘shib yuborishingiz mumkin. Qolaversa, yuvilgan narsalarga sirka hidi urib qolmaydi. Ushbu oddiy tozalash vositasi oshxona sochiqlari va ro‘molchalarni ham samarali tozalaydi. Kir yuvish mashinasini oyiga bir marta sirka bilan maksimal haroratda ishga tushirish esa uskuna ichida badbo‘y hidlarning to‘planishiga qarshi o‘ziga xos profilaktika bo‘lib xizmat qiladi.

Mavzuga doir:

• Kiyimlarga plastilin yopishib qolsa, uni qanday ketkazish mumkin?
• Shakar upasi qonni to‘xtatadi, piyoz shishni qaytaradi. Kichik jarohatlarda katta yordam beradigan mahsulotlar