Salvadorda Lotin Amerikasidagi eng yirik 40 ming o‘rinli megaqamoqxona ochildi. Bu haqda Daily Mail xabar berdi.
Rasmiylarga ko‘ra, bu mamlakatdagi jinoiy guruhlarga qarshi kurash rejasining bir qismidir. Qamoqxonada tartibni saqlashi kerak bo‘lgan 800 dan ortiq askarlar va politsiyachilar ishlaydi. Yangi axloq tuzatish muassasasi boshqa qamoqxonalardagi gavjumlik muammosini hal qilishi va umuman, tizimni yengillashtirishi kerak.
.jpg)
“Salvador xalqiga qayg‘u va og‘riq keltirgan barcha terrorchilar jazolarini eng og‘ir rejimda o‘tashadi", — dedi Adliya vaziri o‘rinbosari Osiris Luna.
Rasmiylar 166 gektar maydonda qurilgan mazkur yuqori texnologiyali qamoqxonaga qachon mahbuslar kelishi haqida ma’lumot bermagan.
Salvador prezidentining qo‘shimcha qilishicha, yangi qamoqxonada mahbuslar boshqa qamoqxonalardagi kabi “fohishalar, o‘yin, televizorlar, mobil telefonlar va kompyuterlardan” foydalanish imkoniga ega bo‘lmaydi.
Izoh (0)