Салвадорда Лотин Америкасидаги энг йирик 40 минг ўринли мегақамоқхона очилди. Бу ҳақда Daily Mail хабар берди.
Расмийларга кўра, бу мамлакатдаги жиноий гуруҳларга қарши кураш режасининг бир қисмидир. Қамоқхонада тартибни сақлаши керак бўлган 800 дан ортиқ аскарлар ва полициячилар ишлайди. Янги ахлоқ тузатиш муассасаси бошқа қамоқхоналардаги гавжумлик муаммосини ҳал қилиши ва умуман, тизимни енгиллаштириши керак.
.jpg)
“Салвадор халқига қайғу ва оғриқ келтирган барча террорчилар жазоларини энг оғир режимда ўташади", — деди Адлия вазири ўринбосари Осирис Луна.
Расмийлар 166 гектар майдонда қурилган мазкур юқори технологияли қамоқхонага қачон маҳбуслар келиши ҳақида маълумот бермаган.
Салвадор президентининг қўшимча қилишича, янги қамоқхонада маҳбуслар бошқа қамоқхоналардаги каби “фоҳишалар, ўйин, телевизорлар, мобил телефонлар ва компьютерлардан” фойдаланиш имконига эга бўлмайди.
Изоҳ (0)