Germaniya hukumati vakili Shteffen Gebeshtreyt Rossiya prezidenti Vladimir Putinning “Rossiya yana nemis tanklari tahdidiga duch keldi” degan bayonotiga javob qaytardi. Bu haqda Tagesschau xabar berdi.
Uning soʻzlariga koʻra, mazkur bayonot Putin Ukrainaga qarshi tajovuzni oqlash uchun ishlatayotgan “mavhum tarixiy taqqoslashlar”dir. Rossiya prezidenti Stalingrad jangi tugaganining 80 yilligiga bagʻishlangan marosimdagi nutqida Rossiyaga Ikkinchi jahon urushidagi kabi “nemis tanklari yana tahdid” solayotganini aytgandi. Bundan tashqari, u “Germaniya Rossiyaga qarshi urushga jalb qilinmoqda” deb taʼkidlagan.
Gebeshtreyt Germaniya va boshqa Gʻarb hamkorlari Ukrainaga yordam va xizmatlar yetkazib berish bilan shugʻullanayotganini, biroq bu “urushda ishtirok etish”ni anglatmasligini qayd etdi.
25-yanvar kuni Germaniya Ukrainaga 14 ta Leopard 2 tanki berishini, shuningdek, boshqa davlatlarga ham nemis tanklarini Kiyevga yetkazishga ruxsat berganini ta’kidladi. Shu kuni AQSH prezidenti Jo Bayden Ukrainaga Abrams tanklarini yetkazib berilishini e’lon qildi. Kreml Ukrainaga tanklar yetkazib berilishiga munosabat bildirib, bu urushga aralashish ekanini ma’lum qildi.
Izoh (0)