Tuxumni qanday qilib mukammal pishirishni o‘rgangandan so‘ng uni qanday tozalashni ham bilish kerak. Marie Claire nashri taqdim etgan quyidagi oddiy maslahatlarga rioya qilish orqali ushbu jarayonni optimallashtirish va xatolarni aniqlab olish mumkin.
Tuxumning yangisini xarid qilmang
Garchi bu g‘alati tuyilishi mumkin bo‘lsa-da, qobiqni tozalash osonroq bo‘lishi uchun eski tuxumlarni tanlash lozim. Do‘konda ularning sanasiga qarab, biroz eski tuxumlarni osongina topish mumkin. Muzlatkichda yangi tuxumlar bo‘lsa, ularni boshqa taomlar, xamir ovqatlar yoki omlet tayyorlash uchun ishlatish mumkin.
Tuxumlarni qaynayotgan suvga soling
Qaynayotgan suv tuxumning oson tozalanishini ta’minlaydi. Suv idishda qaynatib olinadi, ichiga tuxum ehtiyotkorlik bilan solinadi va yana 30 soniya davomida kuchli qaynatib olinadi. Keyin olov pasaytiriladi, idishn qopqog‘i yopiladi va yana 6-10 daqiqa davomida qaynatiladi.
Darhol sovuq suvga soling
Belgilangan vaqt tugagandan so‘ng tuxumni idishda qoldirib, issiq suv to‘kib tashlanadi. Ustidan darhol sovuq suv va bir necha muz bo‘laklari qo‘shiladi va tuxumlar soviguncha qoldiriladi. Issiq holatdan keyin sovuq suv tuxumni oson tozalash uchun yetarli darajada siqish imkonini beradi.
Suvda tozalang
Tuxumlarni suv ichida yoki oqava suvda tozalash kerak. Bu usul qobiqning oson ajralishiga yordam beradi.
Qoshiq bilan tozalang
Tuxum tozalash uchun qoshiqdan foydalanish mumkin. Tuxum tozalashni qobiqning qalin qismidan boshlash kerak. Qoshiqning shakli ham tuxumni tekis tozalashga yordam beradi.
Bir nechta tuxum uchun
Mutaxassis Alessandra Byulovning so‘zlariga ko‘ra, bir nechta tuxumni oson tozalashning ham o‘z usuli bor. Buning uchun qaynatib, sovitilgan tuxum sovuq suvli idishga solinadi. Qopqog‘i yopilib, idish toki tuxumlar yorilgunga qadar silkitiladi. So‘ngra ularni tozalash osonlashadi.
Mavzuga doir:
Izoh (0)