“Nevidimka” zakolkasini ishlatishning noodatiy usullari
Ayollarning sumkasi, divan orasi, stol usti yoki shunga o‘xshash joylarda “nevidimka” zakolkasiga ko‘zingiz tushsa, demak, undan boshqa maqsadlarda ham foydalanilgan. “Noviy ochag” nashri quyida ularning bir nechtasini sanab o‘tdi.
Zamonaviy manikyur yaratish mumkin
“Nevidimka” yordamida hozirda dolzarb bo‘lgan nuqtalar bilan manikyur qilish mumkin.
Tish pastasidan unumli foydalanish
Vizajist va kosmetologlar naychalardagi mahsulotlardan tejamkorlik bilan foydalanish imkonini beruvchi maxsus siqish vositasiga ega. Ular hamma uydan ham topilmasligi mumkin, shuning uchun bunga pul sarflashning keragi yo‘q. Shunchaki “nevidimka”lar ham aynan shu vazifani bajaradi.
Xatcho'p o‘rnida foydalanish
Sahifalarni buklab qo‘yishning keragi yo‘q. “Nevidimka” — mukammal xatcho‘p vazifasini ham bajaradi.
Mahkamlash
Shim, palto yoki yubkaning biror qismi yirtilgan bo‘lsa, uni tikish uchun hech narsa topilmaganda, vaqtincha “nevidimka”lar yordamga keladi.
Qisqich o‘rnida foydalanish mumkin
Yoningizdagi chips, pechenye yoki shunga o‘xshash yeguliklar qadog‘i ochilganmi? Ortiqcha “nevidimka” ularni mahkamlashga va to‘kilib ketmasligiga yordam beradi.
Mixlarni joyida ushlab turadi
Agar mix qoqishda barmoqlarni bolg‘a bilan urishdan qo‘rqsangiz, uni “nevidimka” bilan joyidan qimirlatmay ushlab turish mumkin.
Skotchni belgilash
Odatda skotchning bosh qismini topish doimo vaqt talab qilgan. Shoshilgan vaqtda bunday muammoga duch kelmaslik uchun foydalangandan so‘ng darhol “nevidimka” bilan belgi qo‘yish mumkin.
Qopqoqlarni ochish mumkin
Bilasizmi, plastik qopqoqlarni bankalardan olib tashlash har doim ham oson emas. Ingichka narsalar esa bu borada yordam beradi, masalan, “nevidimka”.
Mavzuga doir:
- Qo‘l mehnati: Zerikarli sharf yoki paypoqlarni emas, balki haqiqiy san’at asarlarini to‘qiydigan insonlarning ijodidan namunalar (foto)
- Changyutkich yordamida buyumlarni topish, bo‘sh qutilardan unumli foydalanish va ro‘zg‘or ishlarida asqatadigan boshqa layfxaklar (foto)
- Qandolat qog‘ozidan foydalanishning ko‘pchilikka noma’lum usullari (foto)
