Yuz parvarishida, uyni tozalashda: banandan foydalanishning noodatiy usullari
Banandan odatda smuzi, kokteyl va turli xil shirinliklar tayyorlanishi, qolaversa, o‘zi ham iste’mol qilinishi mumkin. Lekin ushbu mevaning yana bir qancha foydali jihatlari ham bor. Lifehacker nashri ulardan bir nechtasini sanab o‘tdi.

Yuz uchun niqob tayyorlang
Terini namlantirish va yumshatish uchun do‘konda sotib olingan niqoblarga banan yaxshi alternativ. Buning uchun pishgan banan maydalanadi, yuz va bo‘yinga yupqa qatlam qilib surtiladi. Niqob 10-20 daqiqa ushlab turiladi va keyin sovuq suv bilan yuviladi. Ko‘proq namlantirish uchun bananni chorak stakan shakarsiz yogurt va ikki osh qoshiq asal bilan aralashtirish mumkin.
Kumush idishlar va charm poyabzallar uchun
Bu hazilga o‘xshaydi, lekin banan po‘sti kumush va charmning yorqinligini tiklashga yordam beradi. Qobiqning ichki qismidagi ortiqcha tolalar olib tashlanib, idish yoki poyabzal yuzasiga surtiladi. Keyin qog‘oz sochiq yoki yumshoq mato bilan quritiladi.
Go‘shtni yanada yumshoq qilib pishirish mumkin
Pishgan bananning po‘sti go‘sht bilan birga idishga solinadi va odatdagidek pishiriladi. Undagi fermentlar go‘sht tarkibidagi oqsillarni parchalashga va qovurish paytida uni yumshatishga yordam beradi. Bu taomning ta’mini o‘zgartirmaydi.
Xonaki o‘simliklarni tozalang
Agar xona gullarining barglari xiralashgan va chang yig‘gan bo‘lsa, ularga suv purkashga shoshilmang. Bu changlarning surkalishiga olib keladi. Buning o‘rniga, har bir bargni banan po‘stining ichki qismi bilan artib olish tavsiya etiladi.
Ko‘chatlarni oziqlantiring
Banan va ularning po‘stida juda ko‘p kaliy bor, unda o‘simlik uchun ham foydali bo‘lgan muhim ozuqa moddasi mavjud. Po‘stloq quritiladi, blenderda maydalanadi va ekish paytida o‘simlik bilan birga ekiladi. Ikkinchi usul bu — yangi po‘stloqni suv bilan pyure qilish va uni suyuq o‘git sifatida ishlatish mumkin.
Kuyganda yoki jarohat olganda terini tinchlantiradi
Banan po‘stlog‘i yallig‘lanishga qarshi xususiyatlarga ega. U terining zararlangan joyiga qo‘yiladi va biroz bosiladi. Vaqti-vaqti bilan kompress o‘zgartirib turiladi.
Sabzavot va mevalarning pishishini tezlashtiradi
Pishgan banan etilen gazini ishlab chiqaradi, bu esa tezroq pishishni keltirib chiqaradi. Agar biror-bir sabzavot tezroq pishishi kerak bo‘lsa, uni banan bilan birga paketga solish kerak.
Tishlarni oqartiradi
Tishlar tozalangandan so‘ng ular bir necha daqiqa davomida banan po‘sti bilan tozalanadi. Uning tarkibida limon kislotasi mavjud bo‘lib, u tish emalini oqartiradi.
Jig‘ildon qaynashini yengillashtiradi
Banan ishqoriy mahsulot bo‘lib, gidroksid oshqozon kislotasini zararsizlantiradi. Jig‘ildon qaynashidan aziyat cheksangiz, ushbu mevani kundalik ratsionga qo‘shish tavsiya etiladi. Masalan, kun bo‘yi oshqozon devorlarini himoya qilish uchun nonushta qilgandan keyin banan iste’mol qilishni unutmang.
Mavzuga doir:
- Qanday qilib oddiy limon sizni yanada chiroyli bo‘lishingizga yordam beradi?
- Ko‘k choyning boshqa ichimliklarga nisbatan 5 ta afzalligi
- Kechasi olma iste’mol qilish foydalimi yoki zararli?