Тухумни қандай қилиб мукаммал пиширишни ўргангандан сўнг уни қандай тозалашни ҳам билиш керак. Marie Claire нашри тақдим этган қуйидаги оддий маслаҳатларга риоя қилиш орқали ушбу жараённи оптималлаштириш ва хатоларни аниқлаб олиш мумкин.
Тухумнинг янгисини харид қилманг
Гарчи бу ғалати туйилиши мумкин бўлса-да, қобиқни тозалаш осонроқ бўлиши учун эски тухумларни танлаш лозим. Дўконда уларнинг санасига қараб, бироз эски тухумларни осонгина топиш мумкин. Музлаткичда янги тухумлар бўлса, уларни бошқа таомлар, хамир овқатлар ёки омлет тайёрлаш учун ишлатиш мумкин.
Тухумларни қайнаётган сувга солинг
Қайнаётган сув тухумнинг осон тозаланишини таъминлайди. Сув идишда қайнатиб олинади, ичига тухум эҳтиёткорлик билан солинади ва яна 30 сония давомида кучли қайнатиб олинади. Кейин олов пасайтирилади, идишн қопқоғи ёпилади ва яна 6-10 дақиқа давомида қайнатилади.
Дарҳол совуқ сувга солинг
Белгиланган вақт тугагандан сўнг тухумни идишда қолдириб, иссиқ сув тўкиб ташланади. Устидан дарҳол совуқ сув ва бир неча муз бўлаклари қўшилади ва тухумлар совигунча қолдирилади. Иссиқ ҳолатдан кейин совуқ сув тухумни осон тозалаш учун етарли даражада сиқиш имконини беради.
Сувда тозаланг
Тухумларни сув ичида ёки оқава сувда тозалаш керак. Бу усул қобиқнинг осон ажралишига ёрдам беради.
Қошиқ билан тозаланг
Тухум тозалаш учун қошиқдан фойдаланиш мумкин. Тухум тозалашни қобиқнинг қалин қисмидан бошлаш керак. Қошиқнинг шакли ҳам тухумни текис тозалашга ёрдам беради.
Бир нечта тухум учун
Мутахассис Алессандра Бюловнинг сўзларига кўра, бир нечта тухумни осон тозалашнинг ҳам ўз усули бор. Бунинг учун қайнатиб, совитилган тухум совуқ сувли идишга солинади. Қопқоғи ёпилиб, идиш токи тухумлар ёрилгунга қадар силкитилади. Сўнгра уларни тозалаш осонлашади.
Мавзуга доир:
Изоҳ (0)