Tayyor bulochka va qiymadan bir zumda nonushta tayyorlaymiz

Go‘sht, pomidor sousi va eritilgan pishloq qo‘shib tayyorlanadigan bulochka pitssani xush ko‘ruvchilar uchun ajoyib retsept bo‘la oladi. Unga o‘zingizga yoqqan boshqa mahsulotlarni qo‘shishingiz mumkin. 

Kerakli masalliqlar: 

• bulochka — 8 dona
• piyoz — 1 dona
• pishloq — 150-200 g
• o‘simlik yog‘i — 2 qoshiq
• qiyma — 500 g
• pitssa uchun pomidor sousi — 300-350 g
• quritilgan maydalangan sarimsoq — 1 qoshiq
• quritilgan maydalangan piyoz — ta’bga ko‘ra
• tuz — ta’bga ko‘ra
• murch — ta’bga ko‘ra
• maydalangan qizil qalampir — ta’bga ko‘ra
• maydalangan paprika — yarim qoshiq

Tayyorlanishi: 

1. Bulochkalarni ikkiga bo‘ling. Kesilgan tomonini yuqoriga qaratib listga qo‘ying. Bulochkani 180 daraja haroratda oldindan qizdirilgan usti qizarguncha pishirib oling.
2. Piyozni mayda bo‘laklarga bo‘ling. Pishloqni katta tishli qirg‘ichdan o‘tkazing.
3. O‘simlik yog‘ini o‘rtacha olovda qizdiring. Qiymani bir necha daqiqa davomida qovuring, go‘sht qizarguncha qovurilishi va undagi sharbat ham bug‘lanishi kerak. Qiymani qoshiq yordamida maydalab oling.
4. Qiymaga piyozni qo‘shing va yana bir necha daqiqa qovuring. Unga pomidor sousi, sarimsoq, piyoz, tuz, murch, qizil qalampir va paprikani qo‘shing va 10-15 daqiqa qovurib oling.
5. Qiymani bulochkalar ustiga soling va ustiga pishloq seping. Bulochkalarni 10 daqiqa davomida bir xil haroratda pishirib oling.

Yoqimli ishtaha!