Гўшт, помидор соуси ва эритилган пишлоқ қўшиб тайёрланадиган булочка пицсани хуш кўрувчилар учун ажойиб рецепт бўла олади. Унга ўзингизга ёққан бошқа маҳсулотларни қўшишингиз мумкин.
.jpg)
Керакли масаллиқлар:
- булочка — 8 дона
- пиёз — 1 дона
- пишлоқ — 150-200 г
- ўсимлик ёғи — 2 қошиқ
- қийма — 500 г
- пицса учун помидор соуси — 300-350 г
- қуритилган майдаланган саримсоқ — 1 қошиқ
- қуритилган майдаланган пиёз — таъбга кўра
- туз — таъбга кўра
- мурч — таъбга кўра
- майдаланган қизил қалампир — таъбга кўра
- майдаланган паприка — ярим қошиқ
Тайёрланиши:
- Булочкаларни иккига бўлинг. Кесилган томонини юқорига қаратиб листга қўйинг. Булочкани 180 даража ҳароратда олдиндан қиздирилган усти қизаргунча пишириб олинг.
- Пиёзни майда бўлакларга бўлинг. Пишлоқни катта тишли қирғичдан ўтказинг.
- Ўсимлик ёғини ўртача оловда қиздиринг. Қиймани бир неча дақиқа давомида қовуринг, гўшт қизаргунча қовурилиши ва ундаги шарбат ҳам буғланиши керак. Қиймани қошиқ ёрдамида майдалаб олинг.
- Қиймага пиёзни қўшинг ва яна бир неча дақиқа қовуринг. Унга помидор соуси, саримсоқ, пиёз, туз, мурч, қизил қалампир ва паприкани қўшинг ва 10-15 дақиқа қовуриб олинг.
- Қиймани булочкалар устига солинг ва устига пишлоқ сепинг. Булочкаларни 10 дақиқа давомида бир хил ҳароратда пишириб олинг.
Ёқимли иштаҳа!
Изоҳ (0)