Elektr va suv uchun to‘lovlarni kamaytirish, shuningdek, sevimli mashg‘ulotlarga qo‘shimcha vaqt topish uchun bir nechta oddiy qoidalariga rioya qilish kifoya, deb yozadi “Noviy ochag”.
Uydagi haroratni kuzatib borish
Termostat isitkichlarni sozlash pulni tejashga yordam beradi. Kechasi va uyda bo‘lmaganda haroratni 7-10 darajaga tushiradi. Bu yiliga ma’lum miqdorda pul tejash imkonini beradi.
Sovuq suvda yuvish
Odatda kir yuvish mashinasi suvni isitish uchun energiyaning 90 foizini ishlatadi, lekin sovuq suv ham kiyimlarni issiq suv kabi toza yuvadi. Haftada bir necha marta sovuq suvda yuvish va kukun o‘rniga suyuq yuvish vositasini tanlash orqali ham pul tejash mumkin.
Idish yuvish mashinasidan foydalanish
Idish yuvish mashinasidan foydalanish vaqt va pulni tejaydi. Ammo ikkita qoidaga rioya qilish kerak. Birinchidan, uni faqat ishlatilgan idishlar bilan to‘lganda yoqish kerak. Misol uchun, kun davomida unga foydalanilgan kir idishlar qo‘yilishi mumkin, kechasi esa yoqiladi, ertalabgacha idishlar toza bo‘ladi. Ikkinchidan, idishlarda qolgan ovqatni chiqindiga tashlab, keyin yuvish lozim. Atrof-muhitni muhofaza qilish agentligiga ko‘ra, bu 80 litrgacha suvni tejash imkonini beradi.
Har doim muzlatkich eshigini yopish
Muzlatkich eshigi qancha uzoq ochiq qolsa, uning ichidagi havo tezroq isiydi. Oziq-ovqatlarni iloji boricha tezroq joylashtirishga harakat qilish kerak, chunki sovuq chiqqanda muzlatkich 7 foizga ko‘proq energiya sarflaydi.
Jo‘mrakdagi suvni o‘chirish
Ba’zida odamlar suvning yetarlicha sovishini yoki isishini kutadi. Bu harakat katta miqdorda suv yo‘qotilishiga olib keladi (kuniga taxminan 30 litr). Keraksiz xarajatlardan qochish uchun suvni muzlatkichga qo‘yish yoki qaynatish kifoya.
Mashina yukxonasini tartibga keltirish
Og‘ir narsalarni mashina yukxonasida saqlash tavsiya etilmaydi, ayniqsa ularning keragi bo‘lmasa. Qo‘shimcha elementlar yoqilg'i samaradorligini 2 foizga kamaytirishi mumkin.
Noutbukni o‘chirish
Noutbukda ishni tugatgandan so‘ng uni shunchaki yopmaslik, balki butunlay o‘chirish lozim. Bu elektr to‘lovlarini tejash imkonini beradi. Shuningdek, elektr jihozlarining simlarini rozetkalardan tortib olishni unutmaslik juda ham muhim.
Dush qabul qilish
Agar dush qabul qilinsa, sarflangan suv miqdori kamroq bo‘ladi. Bunday holda, suv iste’moli kam bo'lgan maxsus suv purkagichni ishlatish tavsiya etiladi. U suv xarajatlarini tejashga yordam beradi.
Yomg‘ir suvidan foydalaning
Uyda xonaki o'simliklarni sug'orish uchun yomg‘ir suvidan foydalanish mumkin. Yomg‘ir paytida suv to‘planishi uchun tashqariga idish qo'yish kifoya.
Mavzuga doir:
- Qo‘l mehnati: Zerikarli sharf yoki paypoqlarni emas, balki haqiqiy san’at asarlarini to‘qiydigan insonlarning ijodidan namunalar (foto)
- Changyutkich yordamida buyumlarni topish, bo‘sh qutilardan unumli foydalanish va ro‘zg‘or ishlarida asqatadigan boshqa layfxaklar (foto)
- Qandolat qog‘ozidan foydalanishning ko‘pchilikka noma’lum usullari (foto)
Izoh (0)