Sujeti insoniyatni turli ofatlardan, kasalliklardan, balo va baxtsizliklardan qutqarish asosiga qurilgan hayajonli, qiziqarli va ta’sirchan filmlar to‘plamini taqdim etamiz.
“Infeksiya”, 2011-yil
2020-yilda koronavirus epidemiyasi tufayli “Infeksiya” filmi yanada mashhur bo‘lib ketdi. Dunyo bo‘ylab ilm-fanga noma'lum virus tarqaladi. Epidemiya boshida shifokorlarning chalkashligi: davolash protokollari yoki yangi virusga qarshi emlash yo‘q. Hech kim to‘xtata olmaydigan pandemiya... Turli odamlarga atipik ta’sir: kimdir yangi virusdan o‘ladi, kimdir immunitet tufayli kasallikni simptomsiz o‘tkazadi.
“2012”, 2009-yil
Bu filmdagi voqealarga quyoshdagi chaqnash sababchi bo‘ladi, bu esa Yer yadrosi juda tez qizib ketishiga olib keladi. Odamlar hatto sayyorada misli ko‘rilmagan miqyosdagi qutqaruv harakati tashkil etilganini bilishmaydi.
Film voqealari 2012-yil 21-dekabr dunyoning so‘nggi kuni degan mayyalarning bashorati bilan bog‘liq. Qayd etish joizki, olimlar bu kartinani qattiq tanqid ostiga olishgan: NASA mutaxassislari “2012” filmini ilmiy dalillarga asoslanmagan so‘nggi yillardagi eng yomon film sifatida baholagan. Mutaxassislarning fikricha, filmda juda ko‘p ilmiy noaniqliklar va uydirmalar mavjud.
“Ertangi kun”, 2004-yil
Yerda uchta ulkan sovuq siklonlar paydo bo‘ladi, ularning markazida shunday dahshatli sovuq borki, odamlar bir zumda muzlab qoladi.
Filmning vizual effektlari ustida 1000 dan ortiq kompyuter grafikasi mutaxassislari ishlagan. Ba’zi sahnalar ayniqsa ta’sirli, masalan, Ozodlik haykali muzli suv oqimlarida qanday g‘arq bo‘layotgan kadr.
“Intersteller”, 2014-yil
Kristofer Nolan “Intersteller” filmini yaratishda Kip Tornning (Nobel mukofoti sovrindori, amerikalik nazariy fizik, nisbiylik nazariyasi bo‘yicha jahon mutaxassislaridan biri) ilmiy ishiga asoslandi. Ya’ni filmning oxiri fantastik deb o‘ylasangiz, adashasiz. Ma'lum bo‘lishicha, hammasi ilmiy farazlar doirasida.
Film voqealari 2067-yilda sodir bo‘ladi. Sayyora yomon holatda. Ocharchilik va chang bo‘ronlari insoniyatning omon qolishiga tahdid solmoqda. Odamlar najotni koinotdan izlaydilar.
“Armageddon”, 1998-yil
Bu safar sayyoramizga taxminiy ofat emas, balki Texas shtati kattaligidagi haqiqiy asteroid tahdid solmoqda. Astronavtlar guruhi bo‘lgan kema asteroid ichiga atom bombasini joylashtirish va uni ichkaridan portlatish uchun u tomon uchadi.
“Geoshtorm”, 2017-yil
Insoniyat sun'iy yo‘ldosh tizimlari yordamida ob-havoni boshqarishni o‘rganmoqda, lekin bir kun kelib nimadir noto‘g‘ri bo‘ladi.
Qizig‘i shundaki, ssenariy g‘oyasi film rejissori Din Devlinga tegishli — uning kichik qizi tomonidan berilgan. Bir kuni u maktabdan qo‘rqib qaytadi: o‘qituvchisi bolalarga sayyoradagi global iqlim o‘zgarishi haqida gapirib beradi. Uyda qiz otasidan so‘raydi: "Buni qandaydir yo‘l bilan tuzatsa bo‘ladimi?" “Nega yo‘q?” - deb o‘ylaydi ota va darhol ssenariy yozishga kirishadi.
“Doktor Strenj”, 2016-yil
Sayyoramizni boshqa dunyo yovuzligidan qutqaradigan Doktor Strenj rolini Benedikt Kamberbatch o‘ynagan. Kartina juda muvaffaqiyatli chiqdi: Doktor Strenj 677,7 million dollar ishlab oldi va Marvel qahramoni uchun eng yuqori daromad keltiruvchi filmdan tashqari debyutga aylanib, “Interstellar” rekordini yangiladi. Film juda qiziqarli, sehrli deyish ham mumkin.
“Dalil”, 2020-yil
Nolanning yana bir filmi — “Dalil” kelajakdan, yoki hatto o‘tmishdan, ehtimol tahdiddan kelib chiqadigan noaniq ofat haqida hikoya qiladi. Bosh qahramon nima uchun insoniyatni qutqarish uchun kelganini tushunish juda qiyin. Asosiy dushman – bir tekisda davom etmayotgan vaqt.
Tomoshabin vaqt inversiyasini, entropiyani, annigilyatsiyani va boshqa g‘alati tushunchalarga duch keladi, chunki film juda ajoyib atmosferaga ega. Bu safar ham rejissor o‘z fikrini himoya qilish maqsadida avval “Interstellar” filmida birga ishlagan fizik Kip Torndan maslahat oladi.
Izoh (0)