Kuyib qolganda og‘riqni yengillashtirishga yordam beradigan tavsiyalar
Issiq tova yoki dazmoldan ehtiyotsiz foydalanganda, sochni turmaklashga mo‘ljallangan uskunalarni ishlatish vaqtida yoki issiq choy bexosdan agʻdarilib ketganda kuyib qolish mumkin. Teri jiddiy shikastlanganda zudlik bilan shifokorga murojaat qiling. Ushbu maqola orqali kuyib qolganda birinchi yordamni toʻgʻri koʻrsatishni va kuyishdan keyingi ogʻriqni kamaytirish yoʻllarini bilib olasiz.
Kuyishdan keyingi ogʻriqni qanday kamaytirish kerak?
Kuyishdan keyingi yoqimsiz ogʻriqdan xalos boʻlishning bir necha oddiy usullari mavjud.
1. Muzday kompress.
Muz yoki muzlatgichda sovitilgan har qanday narsa, masalan, muzlatilgan rezavorlar yoki sabzavotlar terining shikastlangan joyiga qoʻllanilishi kerak. Bunday kompress nafaqat shishni kamaytiradi, balki ogʻriq qoldiruvchi taʼsirga ega. Shuningdek, kuygan joyini 10-15 daqiqa davomida oqib turgan sovuq ostida ushlab turish mumkin. Suvning haroratini kuzatib boring, suv oʻta sovuq boʻlmasligi kerak, aks holda terining muzlab qolishi xavfi mavjud.
2. Ogʻriq qoldiruvchi vositalar.
Analgin yoki aspirin barcha xonadonlarning dori-darmonlar qutisidan topilishi mumkin boʻlgan dorilardir. Ular ogʻriqni kamaytirishga yordam beradi va bemor bir muddat noxush hodisani unutadi. Har qanday dori-darmonni faqat jabrlanuvchining oʻsha preparatlarga allergik reaksiyalari boʻlmasagina qoʻllash mumkin.
Terini sovitgandan soʻng, kuygan joyni pantenol, bepanten, sulfargin yoki solkoseril kabi terining taʼsirchanligini kamaytiradigan anestetik tibbiy spreylar yoki malhamlar surish kerak. Bundan tashqari, “emla” deb nomlanadigan lidokainli maz ham yaxshi taʼsirga ega.
Uydan tibbiy preparatlar topilmasa, xalqona usullardan foydalanish ham kutilgan natijani beradi.
Uy sharoitida ogʻriqdan xalos boʻlishning bir nechta oddiy, ammo samarali usullari mavjud.
3. Xom kartoshka
Xom kartoshka ogʻriqni kamaytirishi bilan birga terida yalligʻlanish hosil boʻlmasligi uchun kurashadi. Kartoshkani qirgʻichning katta teshigidan oʻtkazib yoki mayda qilib toʻgʻrab olgach, toza dokaga oʻrab, shikastlangan teriga surtishingiz kerak.
4. Aloe
Aloe, shuningdek, tabiiy ogʻriq qoldiruvchi rolini ham bajaradi. Oʻsimlik bargi oʻrtasidan kesiladi va kuygan joyga qoʻyiladi.
Yuqoridagi barcha usullar faqatgina yengil jarohatlar, birinchi va ikkinchi darajali kuyish olganda samaralidir. Agar terida pufakchalar paydo boʻla boshlasa, toʻqimalarning nekrozi boshlansa va hokazo ogʻir jarohatlarda, darhol shifokor bilan bogʻlanish zarur. Bunday hollarda oʻz bilganicha davolanish toʻgʻri qaror emas.
Kuchli, toʻxtovsiz ogʻriq terining jiddiy shikastlangani belgisidir, shu bois bu nafaqat ogʻriqdan xalos boʻlishni, balki qoʻshimcha davolovchi vositalarni qoʻllashni ham talab qiladi.
Mavzuga doir:
- Shakar upasi qonni to‘xtatadi, piyoz shishni qaytaradi. Kichik jarohatlarda katta yordam beradigan mahsulotlar
- Kartoshkaning inson salomatligi uchun qanday foydalari bor?
