Сурияда 25 та юк машинасидан иборат карвон авиазарбага учради. Ал-Арабия телеканалининг хабар беришича, юк машиналари Эрондан келаётган бўлган, улар Эрон Ислом инқилоби посбонлари корпуси томонидан қўллаб-қувватланадиган гуруҳларга қурол-яроғ олиб кетаётгани тахмин қилинган.
Журналистлардаги маълумотларга кўра, зарба Суриянинг Ал-Букамале шаҳридаги туман яқинида “Ҳизбуллоҳ” назорат қиладиган норасмий чегара пунктига дронлар билан берилган. Зарба олтита юк машинасини вайрон қилган.
Ҳозирча ҳеч ким ҳужум учун жавобгарликни ўз зиммасига олмади. Суриялик инсон ҳуқуқлари фаолларининг таъкидлашича, учувчисиз учар аппаратлар АҚШ бошчилигидаги халқаро коалицияга тегишли бўлиши мумкин.
29 январь куни Эрондаги стратегик объектларда қатор портлашлар содир бўлганди. ОАВ хабарларига кўра, ҳужум ортида Исроил ва АҚШ турган бўлиши мумкин.
Изоҳ (0)