Oq kiyimlar yangiligda chiroyli ko‘rinadi, lekin vaqt o‘tishi bilan ular sarg‘ayadi. “Lisa.ru” nashri ularning asl rangini qanday saqlash kerakligini ma’lum qildi.
Tez-tez yuving
Oq kiyimlar tezda kir bo‘ladi, shuning uchun tez-tez yuvish kerak. Ammo kimyoviy vositalar bilan yuvmang. Agar juda ko‘p kukun ishlatilsa, unda granulalar tolalardan yaxshi yuvilmaydi va to‘planib, chang va kir zarralarini o‘ziga tortadi. Kamroq kukun qo‘shib, yaxshilab chayish tavsiya etiladi.
Tabiiy oqartirgichlardan foydalaning
Xlorli oqartirgichlar samarali, lekin ko‘pincha nozik matolarga nisbatan zararli bo‘lib, sevimli kiyimlarning umrini uzaytirmaydi. Bu kiyimlarning ko‘rinishini yomonlashtirishi mumkin. Ammo limon sharbati avvalgi poklikni qaytaradi va matoning tuzilishiga zarar yetkazmaydi. Dog‘lar kuchli bo'lmasa, xalqona usullardan foydalanish mumkin.
Kir yuvish savatida uzoq vaqt saqlamang
Ochiq rangli kiyimlarni darhol kir yuvish mashinasiga solish yaxshiroqdir. Plastik kir yuvish idishlari havo o‘tkazmaydi, mato u yerda havosiz sarg‘ayishni boshlaydi. Agar darhol kirlarni yuvishning imkoni bo‘lmasa, teshik idishlarda saqlash tavsiya etiladi.
Oq va boshqa ochiq rangli narsalarni alohida yuving
Boshqa pushti, ko‘k, och yashil kiyimlar oq matolarni bo‘yab qo‘yishi mumkin, shuning uchun ularni bir vaqtning o'zida yuvmaslik lozim. Yangi kiyim sotib olishdan ko‘ra, mashinani bir necha marta ishlatish yaxshiroq. Issiq haroratni ishlatishdan qo‘rqmang, bu oq rangga zarar yetkazmaydi.
Sinka yordamida oqartiring
Narsalarni oqartirishning tasdiqlangan usulidan foydalaning — bu sinka. Moviy bo‘yoq sarg‘ishlikni yo‘q qiladi va vizual ravishda mato oq ko‘rinadi. Bir litr suv uchun ¼ choy qoshiqdan foydalanish mumkin.
Quyoshda quriting
Kiyimlarni ochiq havoda quritish yaxshiroq. Quyosh nurlari kiyim uchun tabiiy oqartiruvchi vositadir. Mashinada quritish uchun energiya sarflamang, buning o‘rniga bepul tabiiy resursdan foydalaning.
Kir kiyimlar birga saqlamang
Saqlashdan oldin kiyimlarni tekshiring. Bir qarashda ko‘rinmaydigan dog‘lar bo‘lishi mumkin. Bu, ayniqsa, kosmetika va tabiiy teri sekretsiyasi dog‘lari uchun to‘g‘ri keladi. Ushbu dog‘larni imkon qadar vaqtida yuvish tavsiya etiladi.
Mavzuga doir:
Izoh (0)