Aksariyat odamlar djinsilarini kir yuvish mashinasiga boshqa kiyimlar bilan birga soladi, keyin esa o‘lchami qisqargani va rangi o‘chib ketganidan shikoyat qiladi. “Noviy ochag” nashri djinsi kiyimlarni to‘g‘ri yuvish bo‘yicha bir nechta tavsiyalar bilan bo‘lishdi.
Djinsilarni ichki tomoniga o‘zgartirmay yuvish
Qanday yuvish rejimi o‘rnatilgandan qat’i nazar, har qanday holatda, djinsi shimlar teskari qilinishi va barcha zamoklar yopilishi kerak. Kir yuvish mashinasida kiyimlar bir-biriga ishqalanadi, bu rangning o‘chishiga olib keladi.
Juda ko‘p kiyimlar bilan yuvish
Kir yuvish mashinasining barabanidagi kiyim qancha ko‘p bo‘lsa, mato shunchalik tez eskiradi. Zamoklar boshqa kiyimlarga ilinib qolishi, choklar ajralib chiqishi mumkin. Kiyimlar baraban ichida erkin aylanishi va yuvishdan keyin qattiq g‘ijim bo‘lmasligi kerak.
Kir yuvish rejimini noto‘g‘ri tanlash
Djinsilarni yuvishda iloji boricha yengil rejimni tanlash muhimdir. Eng xavfsizi, aslida, qo‘lda yuvishdir, ammo o‘ta kir bo‘lmasa, uni har qanday yengil rejimda va sovuq suvda yuvish mumkin.
Rangni saqlab qoluvchi vositalardan foydalanish
Kiyimlarning yorqin va quyuq ranglarini saqlab qolish uchun maxsus yuvish vositalari mavjud. Ular tarkibida xlorni faolsizlantiruvchi moddalar mavjud bo‘ladi.
Juda kuchli quritish
Agar mashina quritkichidan foydalansangiz, djinsilarni uzoq vaqt qoldirmaslik kerak. Ularni biroz nam, silliq va odatdagi tabiiy tarzda quritish tavsiya etiladi. Shundagina mato tolalari yaxshiroq saqlanadi.
Mavzuga doir:
Izoh (0)