Ehtimol, mashhurlar uchun oddiy odamlarga qaraganda doʻst boʻlish qiyinroqdir, chunki ularning vaqti kam, ular uchun paparatssilarning eʼtiboridan chetda qolish va doʻstona uchrashuvlarda obyektivga tushmaslik qiyin. Qolaversa, hamma ham birovning muvaffaqiyatidan quvonmasligini unutmaylik. Ammo agar doʻstlik haqiqiy boʻlsa, bundan faqatgina quvonish kerak.
Xeyli Bolduin va Selena Gomes
Qizlar Jastin Biberning sevgisi va eʼtibori uchun kurashayotgani haqida koʻp gapiriladi. Aslida esa unday emas: Xeyli har doim Biber va Gomes oʻrtasidagi munosabatlarni qoʻllab-quvvatlagan. Ular ajrashgach, Jastin bilan uchrashishni boshlagandan soʻng esa Selena uni qoʻllab-quvvatladi va muxlislardan uni gʻiybat qilmaslikni soʻraydi. Umumiy fotosuratlarda dugonalar tabassum qilgan holda birga vaqt oʻtkazishdan zavqlanishadi.
Jeymi Li Kertis va Mishel Yeo
Mishel Yeoni barcha davrlarning eng buyuk jangari qahramoni deb atashgan, biroq uning karyerasi va hayotidagi eng muhim roli boʻlgan “oʻsha rol” unga 59 yoshida kelgan va oʻz isteʼdodining barcha qirralarini namoyish eta oldi. Buning uchun u eng yaxshi aktrisa sifatida mukofotga sazovor boʻldi. Uning doʻsti va hamkasbi Jeymi Li Kertisning marosimdagi reaksiyasi esa memga aylandi. Keyinchalik Jeymi bu lahza tasvirlangan futbolkada yurdi.
Jennifer Garner va Riz Uizerspun
Bu mashhur aktrisalar ijtimoiy tarmoqlarda hazil qilishni va bir-birlari uchun kutilmagan sovgʻalar uyushtirishni yaxshi koʻradi. Dugonasining tugʻilgan kunida Garner parad libosini kiyib, Uizerspun sharafiga saksafonda kuy chaladi. Rizning soʻzlariga koʻra, Jennifer ajoyib doʻst, chunki u doimo uning hazillari va oʻxshamagan raqs harakatlaridan kuladi.
Teylor Svift va Keti Perri
Karyerasining boshida qizlar ziyofatlarga birga borgan, mushuklar haqida suhbatlashgan, tugʻilgan kunlarini nishonlashgan. Keti hatto Teylorga birgalikda qoʻshiq yozishni taklif qiladi. Keyin ularning doʻstligi sevgi uchburchagi tomonidan deyarli yoʻq qilinadi: Sviftning sobiq sevgilisi Perri bilan uchrashishni boshladi. Ammo hammasi yaxshi yakunlandi: Perri uzr soʻradi va tez orada dugonasining videosida paydo boʻldi.
.jpg)
Emma Stoun va Jennifer Lourens
Qizlarning doʻstlashishiga Vudi Xarrelson sababchi boʻlgan, u bir aktrisaning raqamini boshqasiga berib, ular gaplashishsa, albatta umumiy mavzu topishlarini aytadi. Emma Jenniferga uning raqamini Vudidan olgani haqida SMS yuboradi. Lourens dugonasi haqida shunday deydi: “Men Emmani yaxshi koʻraman. U juda ajoyib, juda maftunkor”.
Elle Fenning va Anjelina Joli
Anjelina va Elle suratga olish maydonchasida tanishadi. Yoshdagi katta farqqa qaramay, Fenning ularning doʻstligi yillar davomida mustahkamlanganini aytadi: “Men voyaga yetdim, endi biz turli xil narsalar haqida gaplasha olamiz. Undan hamma narsani soʻrashim mumkinligini his qilyapman”.
Jenna Ortega va Emma Mayers
Emma Mayers va Jenna Ortega bir-biriga mutlaqo qarama-qarshi xarakterga ega boʻlsada, xonadosh boʻlishga majbur boʻlgan “Uenzdey” serialidagi qahramonlarni oʻynashdi. Enid Sinkler quvnoq, pushti va yumshoq oʻyinchoqlarni yaxshi koʻradi. Uenzdey Addams esa qora va dahshatli sirlarni gʻamgin, jimgina sevuvchidir. Serialda ular doʻst boʻlishadi. Ammo qizlar nafaqat ekranda, balki haqiqiy hayotda ham eng yaxshi doʻst ekanligi maʼlum boʻldi. Ular bir-birlarining ijtimoiy tarmoqlardagi postlari ostiga oʻz fikrlarini qoldiradilar. Emma Jenna haqida shunday deydi: “U ajoyib qiz, uni yaxshi koʻraman”.
.jpg)
Mayya Rudolf va Gvinet Peltrou
Bir kuni Gvinet Peltrou teleshouni olib boraytib Mayyani koʻrganida jim turolmaydi: “Dugonam ham hozir shouda va men u bilan juda faxrlanaman. Biz bir-birimizni yetti yoshimizdan beri bilamiz, u juda ajoyib va isteʼdodli. Uning ismi — Mayya Rudolf”. Bundan tashqari, aktrisalar bitta boshlangʻich maktabda oʻqishgan.
Dakota Fenning va Elizabet Olsen
Yosh farqiga qaramay (Elizabet Dakotadan 5 yosh katta), qizlar ajoyib doʻst, hatto “Juda yaxshi qizlar” filmida birga rol oʻynashgan. Ular birga velosiped minishadi, baʼzida esa bir xil kiyinishadi.
Izoh (0)