Rossiya prezidenti Vladimir Putin ukrainalik hamkasbi Vladimir Zelenskiy bilan bir necha yillardan beri muloqot qilgani yo‘q. Bu haqda Rossiya prezidenti matbuot kotibi Dmitriy Peskov “RIA Novosti”ga ma’lum qildi.
Foto: “RIA Novosti”
Agentlik muxbirlari Peskovdan so‘nggi yillarda Putin va Zelenskiy o‘rtasida hech qanday muloqot o‘rnatilmagani rostmi, deb so‘radi. “Rost” deb javob berdi Kreml matbuot kotibi.
Ikki davlat rahbarlari faqat bir marta, 2019-yilda Parijdagi “Normand formati” sammitida yuzma-yuz uchrashgan. Unda Germaniyaning sobiq kansleri Angela Merkel va Fransiya prezidenti Emmanuel Makron ham ishtirok etgan. O‘shanda Putin va Zelenskiyning ikki tomonlama uchrashuvi taxminan 15 daqiqa davom etgan.
2020-yilda Putin va Zelenskiy ikki marta qo‘ng‘iroqlashgan: fevral va iyul oylarida. Shundan beri, rasmiy ma’lumotlarga ko‘ra, Rossiya va Ukraina prezidentlari aloqaga chiqmagan.
Mavzuga doir: Zelenskiy Putinning tirikligiga shubha bildirdi. Kreml unga javob qaytardi
Izoh (0)