Россия президенти Владимир Путин украиналик ҳамкасби Владимир Зеленский билан бир неча йиллардан бери мулоқот қилгани йўқ. Бу ҳақда Россия президенти матбуот котиби Дмитрий Песков “РИА Новости”га маълум қилди.
Фото: “РИА Новости”
Агентлик мухбирлари Песковдан сўнгги йилларда Путин ва Зеленский ўртасида ҳеч қандай мулоқот ўрнатилмагани ростми, деб сўради. “Рост” деб жавоб берди Кремль матбуот котиби.
Икки давлат раҳбарлари фақат бир марта, 2019 йилда Париждаги “Норманд формати” саммитида юзма-юз учрашган. Унда Германиянинг собиқ канцлери Ангела Меркель ва Франция президенти Эммануэл Макрон ҳам иштирок этган. Ўшанда Путин ва Зеленскийнинг икки томонлама учрашуви тахминан 15 дақиқа давом этган.
2020 йилда Путин ва Зеленский икки марта қўнғироқлашган: февраль ва июль ойларида. Шундан бери, расмий маълумотларга кўра, Россия ва Украина президентлари алоқага чиқмаган.
Мавзуга доир: Зеленский Путиннинг тириклигига шубҳа билдирди. Кремль унга жавоб қайтарди
Изоҳ (0)