Kaliforniyaning San-Mateo okrugidagi Half-Mun-Bey shahrida sodir bo‘lgan ikki otishmada yetti kishi halok bo‘ldi, yana bir odam yaralandi. Bu haqda NBC telekanali sherif idorasiga tayanib xabar berdi.
Marhumlarning jasadlari ikki xil joyda topilgan. 23-yanvar kuni mahalliy vaqt bilan soat 14:22 atrofida (Toshkent vaqti bilan 24-yanvar 03:22) Kabrilo shossesida birinchi to‘rt qurbonning jasadi topilgan. Xuddi shu hodisada yaralangan ayol hayot uchun xavfli jarohatlar bilan Stenford tibbiyot markaziga olib ketilgan.
Keyinroq shu hududda yana uch kishining jasadi topildi. Shahar kengashi matbuot kotibi Debbi Raddok telekanalga qurbonlarning barchasi Xitoydan kelgan odamlar ekanini aytdi. Uning so‘zlariga ko‘ra, marhumlar qishloq xo‘jaligi korxonasida ishlagan.
Birinchi voqeadan ikki soat o‘tib, politsiya gumonlanuvchini qo‘lga oldi — shu shaharda yashovchi 67 yoshli Chjao Chunli qotillikda gumonlanmoqda. Politsiya uning mashinasidan qurol topgan.
Izoh (0)