Qozog‘istonning birinchi prezidenti Nursulton Nazarboyev yuragidan operatsiya bo‘lganidan keyin kasalxonadan chiqarildi.
“Uning ahvoli barqarorlashgani va yaxshilangani bois kasalxonadan chiqarildi”, — deyiladi Milliy ilmiy kardiojarrohlik markazi xabarida.
20-yanvar kuni ertalab 82 yoshli Nazarboyev kasalxonaga yotqizilgani haqida xabarlar tarqaldi. Keyinroq Nazarboyevning matbuot kotibi Aydos Ukibay sobiq prezident operatsiya qilinganini va jarrohlik amaliyoti muvaffaqiyatli o‘tganini aytdi.
“Birinchi prezidentning hayotiga hech qanday xavf yo‘q. Operatsiya Milliy kardiojarrohlik ilmiy markazida o‘tkazildi”, — dedi u.
Nazarboyevning sog‘lig‘idagi muammolar
2021-yil oxirrog‘ida Nursulton Nazarboyev umurtqasini operatsiya qildirgani davlat rahbari lavozimidan ketishining sabablaridan biri ekanini tan olgandi. Nazarboyev sog‘lig‘i bilan bog‘liq muammolar katta ommaviy tadbir vaqtida 2011-yilda kuzatila boshlagan. Qozog‘iston birinchi prezidenti 1940-yil 6-iyul kuni tug‘ilgan.
Izoh (0)