Toshkent shahrida 24-yanvar, seshanba kuni Iqtisodiy hamkorlik tashkiloti Tashqi ishlar vazirlari kengashining 26-yig‘ilishi bo‘lib o‘tdi. Tadbirda Eron, Ozarbayjon, Pokiston, Tojikiston, Turkiya, Turkmaniston, Qirg'iziston, Qozog'iston, O'zbekiston tashqi siyosat idoralari rahbarlari, IHT Bosh kotibi Xusrav Nosiri, shuningdek, IHT ixtisoslashtirilgan agentliklari, mintaqaviy institutlari va bog’liq organlari vakillari ishtirok etdi. “Daryo” muxbiri IHT bosh kotibi Xusrav Nosiri bilan suhbatlashdi.
— Janob Xusrav Nosiri, 2022-yil dekabr oyida IHT Shahrisabzni 2024-yil uchun turizm poytaxti deb e’lon qildi. Shahrisabz uchun bu nimani anglatadi?
“Biz bu an’anani Dushanbeda boshlaganmiz. 2021-yilda Iqtisodiy Hamkorlik Tashkilotiga aʼzo davlatlar Turizm boʻyicha vazirlar kengashi qarori bilan birinchi marta Tojikiston poytaxti turizm poytaxti deb eʼlon qilindi. 2022 va 2023-yillar uchun Eron shaharlari, jumladan Mozandaron viloyatining poytaxti Sari va Ardabil tanlangan. Bu shaharlarda tegishli chora-tadbirlar, xususan, turizm bo‘yicha kengashlarning muntazam yig‘ilishlari ko‘rildi. Shaharning turizm poytaxti deb e'lon qilinishi, albatta, ushbu shaharlar uchun o'z mamlakatlariga ko'proq sayyohlarni jalb qilish va a'zo davlatlarda turizmni yanada rivojlantirish uchun qo'shimcha rag'batlantiruvchi imkoniyat bo'lib xizmat qiladi. Shu nuqtai nazardan, Shahrisabz sayyohlik poytaxti deb e’lon qilingan yilda O‘zbekiston Respublikasi hududida, xususan, ushbu go‘zal tarixiy shaharda muhim voqealarning guvohi bo‘lishimizga ishonchim komil”.
— Bu turizmga qanday yordam beradi?
“Oʻtgan yilning dekabr oyida Oʻzbekiston raisligida IHTga aʼzo mamlakatlar turizm vazirlarining toʻrtinchi navbatdagi yigʻilishi virtual formatda boʻlib oʻtdi. Turizm vazirlari yig‘ilishida ikkita muhim hujjat, ya’ni Samarqand deklaratsiyasi – turizm sohasidagi hamkorlikni mustahkamlashning barcha tomonlarini va jihatlarini qamrab olgan juda keng qamrovli, mazmunli hujjat tasdiqlandi. Shuningdek, u tashkilot mintaqasida COVID-19 pandemiyasidan keyin turizm sohasida tez tiklanish va xavfsiz barqaror rivojlanishni rag‘batlantirish bo‘yicha yo‘l xaritasini qabul qildi. Ya'ni, bu hujjatlar bizning davrimizda turizm sohasida tiklanishni ta'minlashga qaratilgan. Maʼlumki, viloyatda tarixiy, madaniy, tibbiy turizm, ekoturizm sohasida ulkan resurslar mavjud. Viloyatda turizmning barcha turlari mavjud. Hududga kelayotgan sayyohlar soni ortib borayotganini qayd etamiz. Lekin potensial katta”.
— Bugungi uchrashuvning asosiy qismlarini aytib bera olasizmi?
“Oʻtgan yilning dekabr oyida Oʻzbekiston raisligida IHTga aʼzo mamlakatlar turizm vazirlarining toʻrtinchi navbatdagi yigʻilishi virtual formatda boʻlib oʻtdi. Turizm vazirlari yig‘ilishida ikkita muhim hujjat, ya’ni Samarqand deklaratsiyasi – turizm sohasidagi hamkorlikni mustahkamlashning barcha tomonlarini va jihatlarini qamrab olgan juda keng qamrovli, mazmunli hujjat tasdiqlandi. Shuningdek, u tashkilot mintaqasida COVID-19 pandemiyasidan keyin turizm sohasida tez tiklanish va xavfsiz barqaror rivojlanishni rag‘batlantirish bo‘yicha yo‘l xaritasini qabul qildi. Ya'ni, bu hujjatlar bizning davrimizda turizm sohasida tiklanishni ta'minlashga qaratilgan. Maʼlumki, viloyatda tarixiy, madaniy, tibbiy turizm, ekoturizm sohasida ulkan resurslar mavjud. Viloyatda turizmning barcha turlari mavjud. Hududga kelayotgan sayyohlar soni ortib borayotganini qayd etamiz. Lekin potensial katta”.
Izoh (0)