UFC 283. Jamal Hill va Brendon Moreno chempionlikni qo‘lga kiritdi, 10 ta jang muddatidan oldin yakunlandi

Braziliyaning Rio-de-Janeyro shahrida O‘zbekiston vaqti bilan 22-yanvar tongida UFC 283 musobaqasi bo‘lib o‘tdi.

MMA oqshomining asosiy jangi yarim og‘ir vazn toifasining vakant kamari uchun Glover Teysheyra va Jamal Hill o‘rtasida kechdi. Beshta raundning barchasida Hill o‘z ustunligini namoyish qildi va yakunda ochkolar evaziga g‘alaba qozondi.

Yana bir asosiy janglardan birida mutlaq yengil vazn toifasi chempioni Deyvison Figeyredo va Brendon Moreno o‘rtasida bo‘lib o‘tdi. Uchinchi raunddan keyin shifokorlar ko‘zidan jarohat olgan Deyvisonga jangni davom ettirishga ruxsat bermadi. Shu tariqa meksikalik yakkakurashchi chempionlik kamarini qaytarib oldi.

Asosiy kard

• Jamal Hill ochkolar evaziga Glover Teysheyrani yengdi;
• Brendon Moreno 3-raundda texnik nokaut evaziga Deyvison Figeyredoni mag‘lub etdi;
• Gilbert Byorns 1-raundda sabmishen evaziga Nil Magnini taslim etdi;
• Jessika Andrade ochkolar evaziga Loren Myorfini yengdi;
• Jonni Uoker 1-raundda Pol Kreygni nokautga uchratdi.

• Igor Poterya 1-raundda Maurisiu Ruani nokautga uchratdi;
• Brunno Ferreyra 1-raundda Gregori Rodrigesni nokaut qildi;
• Tiago Moyzes 2-raundda sabmishe bilan Melkizael Kostani yutdi;
• Gabriel Bonfim 1-raundda sabmishen evaziga Munir Lazzezni taslim etdi;
• Jailton Almeyda 2-raundda Shamil Abdurahimovni nokaut qildi;
• Kodi Stamann ochkolar evaziga Luan Laserdani yengdi;
• Ismael Bonfim 2-raundda Terrens Makkinnini nokautga uchratdi;
• Nikolas Dalbi ochkolar evaziga Vorli Alvesni yengdi;
• Jozian Nunes ochkolar evaziga Zara dos Santosni yutdi;
• Daniel Markos 2-raundda Saymon Oliveyrani nokaut qildi.