Surxondaryo viloyatidagi AYQSHlarda benzin sotuvi to‘g‘ri tashkil qilinmagani uchun ayrim rahbarlarga chora ko‘rildi. Bu haqda viloyat hokimligi matbuot xizmati xabar berdi.
Ma’lum qilinishicha, viloyat hokimi Ulug‘bek Qosimov rahbarligida viloyat shtabining navbatdagi muhokama yig‘ilishi bo‘lib o‘tdi. Unda ayni paytda ko‘plab e’tirozlarga sabab bo‘layotgan, avtomobillarga yonilg‘i quyish shoxobchalarida yuzaga kelgan uzun navbatlar, yonilg‘i ehtiyojdan kelib chiqib yetkazib berilmayotgani va bu borada mas’ullarning faoliyati tahlil qilindi.
AYQSHlarda benzin sotuvini to‘g‘ri tashkil qilmagani, nazorat o‘rnatmagani uchun viloyat departament, Soliq boshqarmasi boshlig‘i va viloyat neft-gaz inspeksiyasi rahbari rasman ogohlantirildi.
Termiz neft-baza rahbariga hayfsan intizomiy jazo chorasi tayinlandi. Mas’ullarga viloyatdagi barcha AYQSHlarda benzin sotilishini to‘g‘ri yo‘lga qo‘yish, har bir hududga to‘g‘ri taqsimlash, navbatlarning oldini olish bo‘yicha vazifalar belgilab berildi.
Izoh (0)