“PSJ” hujumchisi Kilian Mbappe hamon “Real”ga o‘tishni orzu qilmoqda, deya xabar beradi The Athletic.
“Real” Mbappening ehtimoliy transferini OAV muhokama qilishini xohlamayapti, shuning uchun bu xabarlarni rad etmoqda. 2022-yil yozida Kilian bilan shartnoma imzolay olmagan madridliklar endi ehtiyotkorlik bilan harakat qilmoqda.
“Qaymoqranglilar” va Mbappe vakillari yozdan buyon aloqada bo‘lib turibdi. JCH-2022 dan so‘ng tomonlarning transfer borasidagi muzokaralarida siljish kuzatilgan.
Kilian yanvarda “PSJ”dan ketmaydi. Balki, kelayotgan yozda ham o‘tish amalga oshmasligi mumkin. Biroq, klubdagilar hujumchining “Real”da o‘ynash orzusi borligini biladi. Hozirda Mbappe va “PSJ” o‘rtasidagi munosabatlar keskinlashgan.
Fransiyalik futbolchi joriy mavsum Parij klubi safida Liga 1 da 17 ta o‘yinda ishtirok etib, 13 ta gol va 2 ta golli uzatmaga mualliflik qildi.
Izoh (0)