“Barselona” yozda “Manchester Siti” vakilini qo‘lga kiritmoqchi

“Manchester Siti” yarim himoyachisi Ilkay Gundo‘g‘an faoliyatini La Ligada davom ettirishi mumkin.

32 yoshli futbolchiga “Barselona”dan qiziqish bor. Katalonlar Gundo‘g‘anni 2023-yilning yozida erkin agent maqomida o‘z safiga qo‘shib olmoqchi, deya xabar qilmoqda Mundo Deportivo.

Ilkayning “shaharliklar” bilan amaldagi shartnomasi joriy mavsum oxirida o‘z nihoyasiga yetadi. Futbolchi “Manchester Siti” safida 2016-yildan beri to‘p surib keladi.

Gundo‘g‘an APL joriy mavsumida 15 ta o‘yin o‘tkazib, ikkitadan gol va golli uzatma muallifiga aylandi.