“An-Nassr” Serxio Busketsga qancha maosh taklif qilgani ma’lum bo‘ldi

Saudiya Arabistonining “An-Nassr” klubi top-futbolchilarga qiziqish bildirishda davom etmoqda.

Diario Sport nashrining xabar qilishicha, arab klubi “Barselona” yarim himoyachisi Serxio Busketsni yozda erkin agent maqomida o‘z safiga qo‘shib olishni istagan. “An-Nassr” futbolchiga yiliga 20 million yevro maosh taklif qilgan.

Biroq Buskets saudiyaliklarning bu taklifiga rad javobini bergan, deya xabar qilmoqda Catalunya Radio.

34 yoshli futbolchining “ko‘k-anorranglilar” bilan amaldagi shartnomasi ushbu yozda o‘z nihoyasiga yetadi. Buskets joriy mavsum La Ligada 14 ta o‘yin o‘tkazib, bitta golli uzatma muallifiga aylandi.

Avvalroq Ar-Riyod klubi Krishtianu Ronalduni o‘z safiga qo‘shib olgandi. Shuningdek, “An-Nassr” darvozabon Keylor Navas (“PSJ”), yarim himoyachi Eden Azar (“Real”) va boshqa qator yulduzlarga qiziqish bildirayotgani aytilgandi.

Mavzuga doir:

• Ronalduning “An-Nassr”dagi tanishtiruv marosimi 3 mlrd auditoriya to‘plagan. Bu JCH—2022 finalidan 1 milliardga ko‘p
• Krishtianu Ronaldu: Chempionatning juda ko‘p o‘yinlarini ko‘rdim. Men raqobatbardosh ligaga tashrif buyurdim
• Messi va Mbappe Ronalduga qarshi. “PSJ” yanvarda Krishtianuning yangi jamoasiga qarshi o‘rtoqlik o‘yini o‘tkazadi