Britaniya Milliy statistika boshqarmasi (ONS) 2022-yil dekabr oyida ushbu mamlakatda iste’mol inflyatsiyasi (Iste’mol narxlari inflyatsiyasi, CPI) bo‘yicha ma’lumotlarni e’lon qildi.
Unga ko‘ra, Buyuk Britaniyada 2022-yilda inflyatsiya 10,5 foizni tashkil etdi. Shunday qilib, iste’mol narxlarining o‘sishi ketma-ket ikkinchi oyda pasayib bormoqda: noyabrda 10,7 foiz, oktyabrda 11,1 foiz edi.
O‘tgan oylarda bo‘lgani kabi, umumiy iste’mol narxlari indeksiga asosiy ta’sir energiya xarajatlaridan kelib chiqdi.
Dekabr oyida yonilg‘i narxi 11,5 foizga o‘sdi, bu noyabr oyidagi 17,2 foizdan past. Yonilg‘i narxining pasayishi ortidan jamoat transporti narxlarining o‘sishi ham sekinlashdi — noyabr oyidagi 7,6 foizga nisbatan 6,9 foiz.
Dekabr oyida inflyatsiyaning sezilarli sekinlashishi iste’mol xarajatlarining “kiyim-kechak va poyabzal” (noyabrdagi 7,5 foizga nisbatan 6,4 foiz), shuningdek, “dam olish, ko‘ngilochar va madaniyat” kabi toifalarida ham qayd etildi.
2022-yilda Buyuk Britaniyada yillik inflyatsiya 41 yil ichida ilk bor 10 foizdan balandroq bo‘ldi.
O‘zbekiston 2022-yilgi inflyatsiya so‘ngi uch yil uchun eng yuqori — 12,3 foizni tashkil qilgan.
Izoh (0)