Jahon iqtisodiy forumi yetakchi ekspertlarining deyarli uchdan ikki qismi 2023-yilda jahon iqtisodiyotida retsessiya kutilmoqda, deb hisoblaydi. Bu haqda Davosdagi forumning ochilish hisobotiga tayanib, “Kommersant” xabar bermoqda.
So‘rovnomada xalqaro institutlar (jumladan, XVJ), investitsiya banklari, transmilliy korporatsiyalar va qayta sug‘urtalash guruhlaridan 22 nafar yuqori martabali iqtisodchi ishtirok etdi.
Respondentlarning 45 foizi kelgusi yildagi global retsessiyani “aniqroq”, 18 foizi esa “ehtimol yuqori” deb hisoblaydi. Ularning 32 foizi retsessiyani “dargumon” deb biladi.
Shuningdek, respondentlarning 100 foizi 2023-yilda Yevropada “zaif” va “juda zaif” o‘sishni, Bunday kutilma AQSH uchun ularning 91 foizi tomonidan bildirilgan. Bu ko‘rsatkich sentyabrda mos ravishda 86 foiz va 64 foiz edi.
O‘zgarishlar Ukrainadagi urushning Yevropaga ta’sirining kuchayishi, shuningdek, yetakchi markaziy banklar tomonidan foiz stavkalarini oshirish oqibatlari bilan bog‘liq.
Xitoyga nisbatan fikrlar ikkiga bo‘lingan: ekspertlarning 50 foizi o‘sish zaif, 50 foizi kuchli bo‘lishiga ishonadi.
Inflyatsiya prognozlari dunyo mintaqalari bo‘yicha sezilarli darajada farq qiladi, Yevropada respondentlarning 57 foizi, Xitoyda esa 5 foizi narxlarning yuqori o‘sishi yuz berishini kutmoqda.
“Ko‘pchilik respondentlar energiya va oziq-ovqat xarajatlari yuqori va past daromadli mamlakatlardagi uy xo‘jaliklariga salbiy ta’sir ko‘rsatishda davom etishiga ishonadi”, — deb ta’kidlanadi hisobotda.
Forumning boshqaruvchi direktori Saadiya Zohidiyga ko‘ra, hozirgi yuqori inflyatsiya, past o‘sish, yuqori leveraj va yuqori darajadagi parchalanish o‘sishni tiklash va zaif qatlamlarning turmush darajasini yaxshilash uchun zarur bo‘lgan investitsiyalar uchun rag‘batlarni pasaytiradi.
Mutaxassislar tomonidan qayd etilgan ijobiy omillar qatorida uy xo‘jaliklari balansining mustahkamligi, inflyatsiyaning eng yuqori cho‘qqisini bosib o‘tgani, mehnat bozori barqarorligi ham bor.
Izoh (0)