Krasnodar o‘lkasining un ishlab chiqaruvchilari 2022-yilda 22,4 million dollarlik 56 ming tonna mahsulot eksport qildi. Mazkur ko‘rsatkich 2021-yilga nisbatan ikki baravar ko‘pdir. Bu haqda “TASS” xabar bermoqda.
“2022-yil yakunlariga ko‘ra, Krasnodar o‘lkasi 22,4 million dollarlik 56 ming tonna bug‘doy va bug‘doy-javdar unini eksport qildi. Shu tariqa biz ushbu mahsulot eksporti hajmini ikki barobarga oshirishga muvaffaq bo‘ldik. Asosiy xaridor davlatlar Afg‘oniston, Gruziya, Isroil, BAA, Turkmaniston, Turkiya, O‘zbekiston”, — deyiladi Krasnodar o‘lkasi ma’muriyatining rasmiy saytida.
Mintaqada 2023-yilda un ishlab chiqarish quvvatlarini oshirish, Xitoy, Yaqin Sharq, Janubi-Sharqiy Osiyo va Afrika mamlakatlariga mahsulot eksport qilishni davom ettirish rejalashtirilgan.
Krasnodar o‘lkasi ma’muriyati ma’lumotlariga ko‘ra, 2022-yilda viloyatdan dunyoning 91 davlatiga 3,3 milliard dollardan ortiq qiymatdagi qishloq xo‘jaligi mahsulotlari eksport qilingan.
“Xitoy, Saudiya Arabistoni, Pokiston, Liviya, Belarus, O‘zbekiston, Turkmaniston, Ozarbayjon, Livan sezilarli darajada ko‘paydi”, — deydi Krasnodar o‘lkasi ma’muriyati.
Krasnodar o‘lkasi — Rossiyaning asosiy qishloq xo‘jaligi mintaqalaridan biri. Kubanda, 2022-yilda ular 15,1 million tonna don va dukkakli ekinlarni yig‘ib, tarixiy maksimal darajani belgilashgan.
Xususan, bug‘doy yig‘im-terimi 10,7 million tonnani tashkil etgan va tarixda birinchi marta kungaboqardan 1,3 million tonna hosil olingan.
Mavzuga doir: Qozog‘istonga raqobat: Rossiya O‘zbekistonga bug‘doy eksportini oshirmoqchi
Izoh (0)