Буюк Британия 2022 йилни 10 фоиздан ошиқ инфляция билан якунлади

Британия Миллий статистика бошқармаси (ONS) 2022 йил декабрь ойида ушбу мамлакатда истеъмол инфляцияси (Истеъмол нархлари инфляцияси, CPI) бўйича маълумотларни эълон қилди. 

Унга кўра, Буюк Британияда 2022 йилда инфляция 10,5 фоизни ташкил этди. Шундай қилиб, истеъмол нархларининг ўсиши кетма-кет иккинчи ойда пасайиб бормоқда: ноябрда 10,7 фоиз, октябрда 11,1 фоиз эди.

Ўтган ойларда бўлгани каби, умумий истеъмол нархлари индексига асосий таъсир энергия харажатларидан келиб чиқди. 

Декабрь ойида ёнилғи нархи 11,5 фоизга ўсди, бу ноябрь ойидаги 17,2 фоиздан паст. Ёнилғи нархининг пасайиши ортидан жамоат транспорти нархларининг ўсиши ҳам секинлашди — ноябрь ойидаги 7,6 фоизга нисбатан 6,9 фоиз. 

Декабрь ойида инфляциянинг сезиларли секинлашиши истеъмол харажатларининг «кийим-кечак ва пойабзал» (ноябрдаги 7,5 фоизга нисбатан 6,4 фоиз), шунингдек, «дам олиш, кўнгилочар ва маданият» каби тоифаларида ҳам қайд этилди.

2022 йилда Буюк Британияда йиллик инфляция 41 йил ичида илк бор 10 фоиздан баландроқ бўлди. 

Ўзбекистон 2022 йилги инфляция сўнги уч йил учун энг юқори — 12,3 фоизни ташкил қилган.