2022-yilda O‘zbekiston tovar-xomashyo birjasidagi bitimlar va yangi korxonalar haqida malumot berildi. Bu haqda “Daryo”ga Iqtisodiy islohotlar va tadqiqotlar markazi xabar berdi.
Tahlil qilinayotgan davrda O‘zbekiston tovar-xomashyo birjasida amalga oshirilgan bitimlar hajmi 35,7 foizga o‘sdi.
Birja faoliyatining sezilarli o‘sishi Xorazm (52,1 foiz), Samarqand (46,9 foiz), Navoiy (46,7 foiz), Jizzax (37,9 foiz) viloyatlarida va Toshkent (41,6 foiz) shahrida kuzatildi.
Ushbu hududlarda tuzilgan bitimlar hajmining o‘sishi mineral o‘g‘itlar, texnik chigit, avtomobil benzini, dizel yoqilg‘isi, qurilish va xo‘jalik materiallari, o‘simlik yog‘i, bug‘doy uni, bug‘doy, shakar, paxta tolasi, qora va rangli metallar, polietilen, polipropilen, etil spirti va boshqa mahsulotlar savdosining ko‘payishi hisobidan erishilgan.
Shuningdek, tahlil qilinayotgan davrda 87 613 ta yangi korxonalar tashkil etilib, ularning eng ko‘pi Samarqand (9 724), Farg‘ona (8 664), Qashqadaryo (8 150), Toshkent (6 771), Xorazm (5 439) viloyatlarida va Toshkent shahrida (15 441) ro‘yxatga olingan.
Mavzuga doir: Bug‘doy va texnik chigit narxi pasaymoqda: O‘zbekiston birjasida o‘tgan haftadagi vaziyat qanday bo‘ldi?
Izoh (0)