Товуқ филеси тўйимли ва паст калория маҳсулотдир. Кўп ҳолларда уни парҳезга киритиш тавсия этилади. Айниқса, қайнатилган филе фойдали ҳисобланади, чунки у минимал ёғ ва кўп миқдорда витамин ва минералларни ўз ичига олади. Товуқ гўшти юмшоқ ва мазали бўлиши учун уни тўғри пишириш керак.
Товуқ филеси пиширилгандан кейин юмшоқ ва сувли бўлиши учун сиз фақат янги маҳсулотни ишлатишингиз керак. Шунинг учун товуқнинг яроқлилик муддатига эътибор бериш жуда муҳим. Музлатилган эмас, совутилган гўштни пиширган маъқул. Бу ҳолатда, товуқ филеси юмшоқроқ бўлиши билан бирга, кўпроқ озуқавий моддаларни ўзида сақлайди.
Товуқ филесини 70-75 даража сув ҳароратида пиширишингиз керак. Бундан ташқари, товуқ гўштини қиздирилган сувга солиб қўйишингиз керак, шунда у ширалилигини сақлайди ва юмшоқ бўлиб пишади.
Сувли ва юмшоқ бўлиб пишадиган товуқ филеси рецепти:
Керакли масаллиқлар:
- товуқ филеси — 300 г
- сув — 1,5 л
- туз, мурч ва зираворлар — таъбга кўра
Товуқ филесини икки қисмга бўлинг ва ювинг. Кастрюлкага сув қуйинг ва 75 даража ҳароратда қиздиринг. Товуқ филесини идишга солинг. Сув қайнаши биланоқ, туз, зираворлар қўшинг, оловни иложи борича пасайтиринг, идишнини қопқоқ билан ёпинг ва филени 20 дақиқа давомида пиширинг. Сув қайнамаслиги керак. Белгиланган вақтдан кейин гўшт истеъмол қилишга тайёр бўлади.
Товуқ филесини янада мазали қилиш учун идишга пиёз ёки лавр япроғини қўшишингиз мумкин. Агар вазн йўқотмоқчи бўлсангиз, товуқ гўштига минимал миқдорда туз солиб пиширинг.
Қайнатилган товуқ филесининг фойдали жиҳатлари
Товуқ филеси парҳезда истеъмол қилинадиган маҳсулотлардан бири ҳисобланади. У нафақат тиббий, балки вазн йўқотишга ҳам ёрдам беради. Товуқ филеси минимал миқдордаги ёғ ва углеводларни, шу билан бирга жуда кўп юқори сифатли протеинни ҳам ўз ичига олади, бу эса организм томонидан осон сўрилади.
Товуқ филесида кўплаб: PP, Э, Ҳ, А ва Б витаминлари ҳам мавжуд. Унинг таркибида кўп миқдорда синк, темир, калий, фтор, фосфор, ёд, натрий ва бошқа микроэлементлар мавжуд.
Агар парҳезга товуқ филесини киритсангиз, тана керакли озиқ моддаларнинг кўп миқдорини олади. Паст холестерин миқдори бўйича, қайнатилган товуқ филеси ҳатто балиқ ва баъзи денгиз маҳсулотлари билан рақобатлаша олади.
Бундан ташқари, товуқ филесини мунтазам истеъмол қилиш юрак-қон томир тизимининг айрим касалликларини ривожланишига тўсқинлик қилади ва организмдаги метаболик жараёнларни нормаллаштиришга ёрдам беради, бу ҳам саломатлик ва ортиқча вазндан халос бўлиш учун муҳим ҳисобланади.
Ушбу маҳсулот таркибидаги глутамин моддаси туфайли қондаги шакар миқдорини тартибга солади, буйракларнинг фаолиятига таъсир кўрсатади ва асаб тизимининг фаолиятини яхшилайди. Товуқ гўшти артрит, қандли диабет, ошқозон-ичак яраси ва подагра учун фойдали.
Мавзуга доир:
Изоҳ (0)