1946-yilda birinchi tijorat maqsadida ishlab chiqarilgan mikroto‘lqinli pech ko‘p vaqt talab qiladigan oshpazlik ishlaridan ozod qildi. Ko‘pchilik, albatta, unda ovqat isitadi, ammo bu qurilmaning imkoniyatlari ancha kengroq. AdMe nashri mikroto‘lqinli pechdan foydalanishda asqatadigan layfxaklar bilan bo‘lishdi.
Pishirilgan guruch muzlatkichda bir necha kun saqlangandan keyin qattiqlashib qolishi mumkin. Muz bo‘lagi va mikroto‘lqinli pech guruchni yana yumshoq qilishiga yordam beradi. Buning uchun muz bo‘lagi guruch yuqorisiga qo‘yiladi va isitiladi. Muzning erib bug‘lanishi natijasida guruch avvalgidek yumshoq holatga qaytadi.
Agar bir necha kun oldin sotib olingan ko‘katlar butunlay qurib ketayotganini sezsangiz, ularni tashlab yubormaslik kerak. Mikroto‘lqinli pechda quritib, keyinroq taomlarga qo‘shish uchun shkafda saqlash mumkin.
Mikroto‘lqinli pechga 45 soniyaga piyoz butunligicha qo‘yiladi. Issiqlik ko‘zning yoshlanishiga olib keladigan kimyoviy moddalarni parchalaydi. So‘ngra piyozni ko‘z yoshlarsiz to‘g‘rash mumkin.
Retseptiga ko‘ra, quritilgan mevalarni bir kecha suvda ivitish kerak bo‘lsa va bu yoddan ko‘tarilsa, mikroto‘lqinli pech yana yordamga keladi. Quritilgan mevalarni maxsus idishga solib, kerakli suyuqlik bilan to‘ldiriladi. Usti plyonka bilan yopilib, 2 daqiqa davomida yuqori quvvatda qizdiriladi. Keyin pechdan chiqarib olinadi va sovitishga qo‘yiladi.
Pomidorning qobig‘ini tozalash uchun ustiga qaynoq suv quyishga odatlanganmiz. Lekin buni tezroq bajarish mumkin. Buning uchun pomidor yuviladi. Pomidorning tagi kesib qo‘yiladi va suvli idishga solib, pechga qo‘yiladi. Suv bir zumda bug‘lanib, pomidorning po‘stini tozalashni osonlashtiradi.
Sarimsoqni tozalash uchun ko‘p vaqt ketadi. Keyin qo‘llar uzoq vaqt davomida hidlanadi. Buni oson tarzda amalga oshirish mumkin: mahsulot mikroto‘lqinli pechda 15 soniya davomida qizdiriladi. So‘ngra sarimsoqni tozalash yanada osonlashadi.
Xamir ko‘tarilishi uchun issiq joy kerak, bu esa sovuq oylarda qiyin bo‘lishi mumkin. Ammo boshqa yechimi bor, mikroto‘lqinli pechga bir piyola suv 2 daqiqaga, so‘ng xamir qo‘yiladi (piyolani olib tashlashning hojati yo‘q) va u biroz vaqtga qoldiriladi. Xamir tezda ko‘tariladi.
Asalni eritib olish uchun mikroto‘lqinli pechga qo‘yiladi. O‘rtacha quvvatda 30-40 soniya davomida qizdiriladi. Aniq vaqt jihozning kuchiga va asal miqdoriga qarab farq qilishi mumkin. Keyin asal olinib, yaxshilab aralashtiriladi.
Agar non butunlay qotib qolish arafasida bo‘lsa, uni yana yumshoq va mazali qilish mumkin. Shunchaki eskirgan non nam salfetka bilan o‘raladi yoki bir stakan suv bilan mikroto‘lqinli pechga qo‘yish mumkin, u yanada yumshoqroq bo‘ladi.
Izoh (0)