Юз кремидан ажойиб мўъжизаларни кутиб бўлмайди, аммо барибир у фойдали бўлиши керак: намлантириш, озиқлантириш, майда ажинлар билан курашиш ва терини янада эластик қилиш. Кўпинча у тўғри қўлланилмаса, мукаммал композицияга эга бўлган энг юқори сифатли крем ҳам натижа бермайди, деб ёзади «Новий очаг».
Қўллашдан олдин терини етарлича тозаламаслик
Юз терисини кўпинча сув ёки ҳатто пенка билан ювиш етарли эмас. Баъзан тери тешиклари шунчалик чуқур тиқилиб қоладики, уни сезиш қийин. Муаммони оддийгина ҳал қилиш мумкин: юзни ювгандан кейин терини мицеляр суви билан артиб олиш тавсия этилади. Крем самара бериши учун уни фақат яхшилаб тозаланган ва буғда юмшаган терига қўллаш лозим.
Совуқ кремдан фойдаланиш
Кўпчилик кремларни музлаткичда сақлайди (агар ёрлиқда буни қилмаслик керак деб ёзилмаган бўлса) ва бунинг ҳеч қандай ёмон жойи йўқ — восита ҳақиқатан ҳам узоқ вақт давомида сақланади. Аммо юзга совуқ кремни қўллашнинг фойдаси йўқ, чунки таркибий қисмлар музлайди ва уларнинг самарадорлиги бир неча бор пасаяди. Маҳсулотни ишлатишдан бир соат олдин уни музлаткичдан олиб қўйиш лозим.
Кремни бармоқлар билан олиш
Ушбу қоида биринчи навбатда консервантлардан ҳоли бўлган органик косметикага тегишли. Думалоқ идишдаги юз кремлари бармоқлардаги бактериялар билан кимёвий реакцияга киришиб, унинг асл таркибини ўзгартиради. Шунинг учун, кремни олишда махсус таёқчадан фойдаланиш лозим.
Кремни массаж чизиқлари бўйлаб қўлламаслик
Кремнинг таъсри нафақат унинг таркибига, балки қўллаш усулига ҳам боғлиқ. Агар маҳсулот оддий ҳаракатлар билан юзга суртилса, самарани кутишнинг кераги йўқ. Кремни енгил ҳаракатлар, бармоқ учлари билан тарқатиш керак бўлган махсус массаж чизиқлари мавжуд. Ҳар оқшом ва эрталаб юзни массаж қилиш — ҳаракатлар марказдан атрофга тарқалган бўлиши керак.
Ётишдан 5 дақиқа олдин тунги кремдан фойдаланиш
Тунги кремни, албатта, кечаси қўллаш керак. Фақат уни суртгандан сўнг дарҳол ёноқни ёстиққа босиш керак дегани эмас, бу билан кремнинг ҳаммаси ёстиқ жилдига ёпишади. Уйқуга кетишдан олдин кремни юз териси яхшилаб шимиб олиши учун камида 40 дақиқа олдин қўллаш лозим.
Тунги кремни ювмаслик
Эрталаб тунги кремдан асар ҳам қолмаслиги шубҳасиз. Чунки туни бўйи юз териси кремни шимиб олади, тонгда эса юз терисида шунчаки ёғланганини кўриш мумкин. Аммо бундан вазиятда юз терисини оддий сув билан ювиб бўлмайди. Махсус гел ёки пенкадан фойдаланиш шарт.
Кўчага чиқишдан олдин кундузги кремдан фойдаланиш
Яна бир кенг тарқалган хато — кремни ташқарига чиқишдан олдин қўллаш. Уйдан чиқишдан бир соат олдин кундузги кремни ишлатиш тўғри бўлади — бу вақтдан кейин маҳсулотнинг қолган қисмини салфетка билан хавфсиз равишда артиб олиш мумкин, чунки тери аллақачон керакли барча моддаларни сингдириб олган бўлади.
Озиқлантирувчи кремдан кўп фойдаланиш
Озиқлантирувчи крем косметик сумкада бўлиши керак, лекин ҳатто энг қиммат ва юқори сифатли маҳсулот ҳам кўп ишлатилса зарар етказиши мумкин. Озиқлантирувчи кремни ҳафтасига 2-3 марта қўллаш ва қолган вақтларда оддий намловчи воситадан фойдаланиш тавсия этилади. Акс ҳолда шунчаки терига зарар етади, керакли моддаларни ишлаб чиқаришни тўхтатади, табиий иммунитетини йўқотади.
Кремни меъёрдан ортиқ қўллаш
Барча ҳаракатларни бекор қиладиган яна бир кенг тарқалган хато — бу кремни жуда қалин қатлам билан суртиш. Бу сахийлик терига фойдадан кўра кўпроқ зарар келтиради. Терига қанча крем суртилса ҳам, у сўрилиб кетиши мумкин. Лекин юз териси тешиклари шунчаки крем билан қопланади, тери нафас олмайди, бу унинг эрта қаришига олиб келиши мумкин.
Йиллар давомида парвариш воситаларини ўзгартирмаслик
Терига жуда мос келадиган севимли крем ҳам уни йиллар давомида ишлатиш мумкин дегани эмас. Ҳақиқат шундаки, тери ҳар қандай таъсирга жуда тез ўрганиб қолади ва косметика таркибидаги фаол моддалар ўз таъсирини тўхтатади. Бунинг олдини олиш учун ҳар 2-3 ойда бир марта терини ҳар қандай мураккаб маҳсулотлардан дам олдириш лозим. Яна фойдали моддаларни сезишни бошлаш учун терига парҳез керак. Бу вақт ичида энг оддий болалар кремига ўтиш ва кейин яна севимли маҳсулотга қайтиш мумкин.
Изоҳ (0)