“Davlat fuqarolik xizmatchisi bilan tuziladigan mehnat shartnomasiga doir namunaviy talablar” tasdiqlandi. Bu haqda Davlat xizmatini rivojlantirish agentligi xabar qildi.
Qayd etilishicha, endilikda davlat organlari va tashkilotlari davlat fuqarolik xizmatchilari bilan mehnat shartnomasini rasmiylashtirishda mazkur namunaviy talablarga rioya etishlari lozim.
Davlat xizmatini rivojlantirish agentligi tomonidan ishlab chiqilgan namunaviy talablar 13-yanvar kuni Adliya vazirligida ro‘yxatdan o‘tkazildi. Namunaviy talablarda:
- mehnat munosabatlariga kirishning umumiy qoidalari;
- mehnat shartnomasini rasmiylashtirishga doir talablar;
- mehnat shartnomasini tuzishda ko‘rsatilishi lozim bo‘lgan asosiy va qo‘shimcha shartlar;
- mehnat shartnomasida belgilash mumkin bo‘lmagan shartlar va boshqa asosiy qoidalar belgilangan.
Izoh (0)