Toshkent shahri Mirzo Ulug‘bek tumanida mashinalar guruh bo‘lib harakatlangani aniqlandi. Bu haqda YHXX axborot xizmati xabar berdi.
Qayd etilishicha, Sariosiyo ko‘chasida haydovchilar yo‘l harakati xavfsizligiga tahdid solib, guruh bo‘lib harakatlangan va ularning yo‘lovchilari avtomashinadan tana qismini chiqarib olgan.
Ushbu holatni 2002-yilda tug‘ilgan A.Q., 2003-yilda tug‘ilgan A.A. va 2004-yilda tug‘ilgan D.A. sodir qilgani aniqlangan. Ular bilan profilaktik suhbatlar o‘tkazilgan.
Shuningdek, holat yuzasidan Ma’muriy javobgarlik to‘g‘risidagi kodeksning 129-moddasi (Transport vositalari haydovchilarining yo‘l harakati xavfsizligiga tahdid soluvchi guruh bo‘lib harakat qilishda qatnashishi) va 138-moddasi (Piyodalar va yo‘l harakati boshqa ishtirokchilarining yo‘l harakati qoidalarini buzishi) bilan ma’muriy bayonnoma rasmiylashtirilgan.
Izoh (0)