“Uenzdey” seriali kutilmaganda mega-mashhur bo‘ldi. Filmdan olingan kadrlar ijtimoiy tarmoqlarni to‘ldirib yubordi, aktrisa Jenna Ortega esa olamshumul shuhrat qozondi. Lekin qiziq tomoni shundaki, tomoshabinlar “Uenzdey”ning boshqa mashhur kinolar bilan kesishgan ko‘p jihatlarini aniqlashdi.
Mallasoch qahramon kapalaknusxa ko‘zoynak taqib yuradi
“Uenzdey”dagi o‘qituvchi “Amerika dahshatlari” filmidagi jodugarga o‘xshamaydi deb o‘ylaysizmi? Bu shunchaki tasodifmi? Haqiqatan ham hech bir mallasoch yovuz kapalak qanotlari shaklidagi ko‘zoynak taqib yurmaydi.
Qahramon balga hammaning e’tiborini tortgan holda kirib keladi
Ushbu filmning ba’zi kadrlari ajoyib tarzda “Garri Potter” sahnalariga o‘xshaydi, masalan, maktab bitiruvi oqshomida Uenzdey va Germionaning zinapoyadagi yorqin ko‘rinishi.
Maktabda 4 ta fakultet mavjud
Xogvartsda 4 ta fakultet borligini hamma biladi va ular bir-biri bilan raqobatlashadi. Nevermorda, bir qarashda, fakultetlarga aniq bo‘linish yo‘q, lekin 4 ta katta fraksiya mavjud — bo‘rilar, vampirlar, sirenalar va gorgonlar. Misol uchun, Uenzdeyning pushti rangni va g‘iybatni yaxshi ko‘radigan xonadoshi — bo‘ri. Aytgancha, ba’zilar Nevermorni “Xogvartsning gotika versiyasi” deb atashadi.
Qahramon birinchi kundayoq o‘ziga xavfli dushman orttirib oladi
Garri Potter Xogvartsga kelishi bilan Drako Malfoy bilan janjallashadi. Mojaroga sabab Drakoning Ronni masxara qilgani, Garri esa malla sochli bolani himoya qilishga qaror qiladi. Aslida Drako Potterning eng katta dushmani emas. Malfoylar oilasining ta'sirini ta’kidlashni istab, Potter muxlislari uni “Slizerin shahzodasi” deb atashadi.
Nevermordagi birinchi kundanoq Uenzdey ham dushman orttirib oladi. Qiz manman Byankani (mahalliy maktab malikasi) mashg‘ulot qilichi bilan duelga chaqiradi, chunki u yuvosh bolani masxara qilgandi.
Qahramon o‘z jamoasiga g‘alaba keltiradi
1-kursda Garri Potter sport yulduziga aylanadi. Yangi izlovchi o‘tgan mavsumda Slizeringa yutqazgan Griffindor kubogini qo‘lga kiritadi. 2-kursda esa Drako Malfoy Garrining sportdagi raqibiga aylanadi.
Nevermor shahrida qayiq musobaqasi - Po kubogi o‘tkaziladi. So‘nggi yillarda uni an’anaviy tarzda sirenalar — Byanka jamoasi qo‘lga kiritgan, ammo bu safar emas. Uenzdey ayyorlik yordamida Byankaning burnini yerga ishqalab, qora mushuklar jamoasiga g‘alaba keltiradi.
Shkafda direktorning o‘z skeletlari bor
Avvaliga Dambldor o‘ziga xos xususiyatlarga ega mehribon qariya kabi ko‘rinadi. Ammo Qaqnus ordenini aynan shu odam boshqargan, u Zulmat lordidan juda qo‘rqqan. Shkafida uning o‘ziga xos skeletlari ham bor.
Nevermor maktabi direktori Larisa ham tabassumi ortida juda ko‘p sirlarni yashiradi. Misol uchun, u o‘z qudratidan foydalanib, o‘quvchining o‘limini berkitadi. Ammo u buni o‘z manfaati uchun emas, maktabni himoya qilish uchun qiladi.
Maktabga o‘qituvchi qiyofasida kelgan yugurdak
Ikkala filmda ham yovuz odamning o‘qituvchi qiyofasida maktabga kirib kelgan ittifoqchisi bor. Professor Kvirrell o‘z soyasidan ham qo‘rqadigan odam bo‘lib ko‘rinsa-da, u Voldemortning yugurdagi edi.
Botanika o‘qituvchisi Merilin ham birinchi kadrlardan yoqimtoy, ammo ojiz, notavon bo‘lib ko‘rinadi. 1-mavsumning oxirida tomoshabinlar uning nozik tomonlarini bilib olishadi. Merilin mavsumning asosiy yovuz odamini tiriltirishga muvaffaq bo‘ladi.
Yovuz odamni tiriltirish uchun bosh qahramon ishtirokidagi marosim talab qilinadi
“Garri Potter”da Voldemort, “Uenzdey”da Jozef Krekston ismli yovuz odam tiriladi. Ikkala holatda ham sehrli marosim o‘tkaziladi — yovuzlarni tiriltirish uchun Garri va Uenzdeyning qoni kerak bo‘ladi.
Mavzuga doir:
Izoh (0)