«Уэнздей» сериали кутилмаганда мега-машҳур бўлди. Фильмдан олинган кадрлар ижтимоий тармоқларни тўлдириб юборди, актриса Женна Ортега эса оламшумул шуҳрат қозонди. Лекин қизиқ томони шундаки, томошабинлар «Уэнздей»нинг бошқа машҳур кинолар билан кесишган кўп жиҳатларини аниқлашди.
Малласоч қаҳрамон капалакнусха кўзойнак тақиб юради
«Уэнздей»даги ўқитувчи «Америка даҳшатлари» фильмидаги жодугарга ўхшамайди деб ўйлайсизми? Бу шунчаки тасодифми? Ҳақиқатан ҳам ҳеч бир малласоч ёвуз капалак қанотлари шаклидаги кўзойнак тақиб юрмайди.
Қаҳрамон балга ҳамманинг эътиборини тортган ҳолда кириб келади
Ушбу фильмнинг баъзи кадрлари ажойиб тарзда «Гарри Поттер» саҳналарига ўхшайди, масалан, мактаб битируви оқшомида Уэнздей ва Гермионанинг зинапоядаги ёрқин кўриниши.
Мактабда 4 та факультет мавжуд
Хогварцда 4 та факультет борлигини ҳамма билади ва улар бир-бири билан рақобатлашади. Неверморда, бир қарашда, факультетларга аниқ бўлиниш йўқ, лекин 4 та катта фракция мавжуд — бўрилар, вампирлар, сиреналар ва горгонлар. Мисол учун, Уэнздейнинг пушти рангни ва ғийбатни яхши кўрадиган хонадоши — бўри. Айтганча, баъзилар Неверморни «Хогварцнинг готика версияси» деб аташади.
Қаҳрамон биринчи кундаёқ ўзига хавфли душман орттириб олади
Гарри Поттер Хогварцга келиши билан Драко Малфой билан жанжаллашади. Можарога сабаб Драконинг Ронни масхара қилгани, Гарри эса малла сочли болани ҳимоя қилишга қарор қилади. Аслида Драко Поттернинг энг катта душмани эмас. Малфойлар оиласининг таъсирини таъкидлашни истаб, Поттер мухлислари уни «Слизерин шаҳзодаси» деб аташади.
Невермордаги биринчи кунданоқ Уэнздей ҳам душман орттириб олади. Қиз манман Бянкани (маҳаллий мактаб маликаси) машғулот қиличи билан дуэлга чақиради, чунки у ювош болани масхара қилганди.
Қаҳрамон ўз жамоасига ғалаба келтиради
1-курсда Гарри Поттер спорт юлдузига айланади. Янги изловчи ўтган мавсумда Слизеринга ютқазган Гриффиндор кубогини қўлга киритади. 2-курсда эса Драко Малфой Гаррининг спортдаги рақибига айланади.
Невермор шаҳрида қайиқ мусобақаси — По кубоги ўтказилади. Сўнгги йилларда уни анъанавий тарзда сиреналар — Бянка жамоаси қўлга киритган, аммо бу сафар эмас. Уэнздей айёрлик ёрдамида Бянканинг бурнини ерга ишқалаб, қора мушуклар жамоасига ғалаба келтиради.
Шкафда директорнинг ўз скелетлари бор
Аввалига Дамблдор ўзига хос хусусиятларга эга меҳрибон қария каби кўринади. Аммо Қақнус орденини айнан шу одам бошқарган, у Зулмат лордидан жуда қўрққан. Шкафида унинг ўзига хос скелетлари ҳам бор.
Невермор мактаби директори Лариса ҳам табассуми ортида жуда кўп сирларни яширади. Мисол учун, у ўз қудратидан фойдаланиб, ўқувчининг ўлимини беркитади. Аммо у буни ўз манфаати учун эмас, мактабни ҳимоя қилиш учун қилади.
Мактабга ўқитувчи қиёфасида келган югурдак
Иккала фильмда ҳам ёвуз одамнинг ўқитувчи қиёфасида мактабга кириб келган иттифоқчиси бор. Профессор Квиррелл ўз соясидан ҳам қўрқадиган одам бўлиб кўринса-да, у Волдемортнинг югурдаги эди.
Ботаника ўқитувчиси Мерилин ҳам биринчи кадрлардан ёқимтой, аммо ожиз, нотавон бўлиб кўринади. 1-мавсумнинг охирида томошабинлар унинг нозик томонларини билиб олишади. Мерилин мавсумнинг асосий ёвуз одамини тирилтиришга муваффақ бўлади.
Ёвуз одамни тирилтириш учун бош қаҳрамон иштирокидаги маросим талаб қилинади
«Гарри Поттер»да Волдеморт, «Уэнздей»да Жозеф Крекстон исмли ёвуз одам тирилади. Иккала ҳолатда ҳам сеҳрли маросим ўтказилади — ёвузларни тирилтириш учун Гарри ва Уэнздейнинг қони керак бўлади.
Мавзуга доир:
Изоҳ (0)